კომპაქტური საიერიშო შაშხანა 9A-91

jnb8oკომპაქტური საიერიშო შაშხანა 9A-91 შემუშავდა არმიისთვის, როგორც პირადი თავდაცვის იარაღი, თუმცა თავისი სიიაფის გამო ის რუსეთის შინაგანმა სამინისტრომ მიიღო შეიარაღებაში, რითიც ჩაანაცვლა შედარებით ძვირი SR-3 Vikhr-ები. იარაღი კომპაქტური შაშხანების-A-91-ის ოჯახს მიეკუთვნება, რომლის სხვადასხვა ვარიანტები სხვადასხვა კალიბრებზეა გათვლილი. 9A-91-ის წარმოება 1994 წელს დაიწყო და მაშინდელიდან დღემდე ეს იარაღო მსოფლიოში ყველაზე პატარა საიერიშო შაშხანაა. 9A-91-ის მექანიზმის მუშაობის პრინციპი გასროლისას წარმოქმნილი აირების გამოყენებაზეა დაფუძნებული. იარაღზე შესაძლებელია შერჩევითი ცეცხლის წაროება. იარაღი იყენებს რამდენიმე სახეობის 9×39 მმ-იან ვაზნას: SP-5 (მრგვალთავიანი), SP-6 (ჯავშანგამტანი) და PAB-9 (იგივეა რაც SP-6. მისგან მხოლოდ დაბალი ფასი განასხვავებს და შედარებით ნაკლები ძალა). იარაღის საბრძოლო მასალა ქვებგერითია, ანუ ტყვია ბგერის სიჩქარეზე ნაკლები სიჩქარით მიფრინავს. აღსანიშნავია, რომ რუსული შაშხანა As Val-იც ამ სახეობის საბრძოლო მასალას იყენებს. 9A-91-ისთვის ცეცხლის წარმოების დიაპაზონი 100 მეტრს შეაგდენს. ასეთი მანძილი მისი მცირე ზომების გამოა, უფრო სწორი იქნება, თუ ვიტყვი, რომ მისი ლულის სიმოკლის გამო-შორ მანძილზე ფრენისას ტყვიის ტრაექტორია იცვლება.