მინსკის მემორანდუმის სრული ტექსტი

ეუთო-მ მინსკის მემორანდუმის სრული ტექსტი გამოაქვეყნა. მემორანდუმს ხელი ეუთო-ს, უკრაინის, რუსეთისა და აღმოსავლეთ უკრაინის სეპარატისტული რეგიონების წარმომადგენლებმა მოაწერეს.
გთავაზობთ მემორანდუმის სრულ ტექსტს:
1. იარაღის გამოყენების შეწყვეტა საყოველთაოდ ითვლება.
2. სამხედრო ქვედანაყოფებისა და ნაწილების შეჩერება იმ ხაზზე, რომელზეც ისინი იმყოფებოდნენ 2014 წსლის 19 სექტემბრისთვის.
3. ყველა სახის იარაღის გამოყენებისა და სამხედრო მოქმედებების აკრძალვა.
4. გაყვანილ უნდა იქნას, მემორანდუმის მიღებიდან 1 დღის ვადაში, შეხების ხაზიდან ორივე მხარეს, 15 კილომეტრის მანძილზე, მათ შორის დასახლებული პუნქტებიდან, 100 მმ-იანი კალიბრის იარაღის ქვემოთ ჩამოთვლილი სახეობები, რაც შექნის შესძლებლობას, რომ 30 კილომეტრიან ზოლში (უსაფრთხოების ზონა) შეწყდება იარაღის გამოყენება.ამასთან ერთად, გაყვანილ უნდა იქნას, 100 მმ-იანი ქვემეხები МТ-12 – 9 კილომეტრზე, 120 მილიმეტრიანი ნაღმტყორცნები – 8 კმ; 122-мм ჰაუბიცა Д-30 (2С1 “Гвоздика”) – 16 კილომეტრზე, 152 мм 2С5 “Гиацинт-С” (2С3 “Акация”, 2С19 “Мста-С”, 2А65 “Мста-Б”) – 33 კილომეტრზე, РСЗО 9К51 “Град” – 21 კილომეტრზე, 9К57 “Ураган” – 36 კილომეტრზე, 9К58 “Смерч” – 70 კილომეტრზე, РСЗО “Торнадо-Г” – 40 კმ, РСЗО – “Торнадо-” – 70 კმ, РСЗО “Торнадо-С” – 120 კმ; – ტაქტიკური სარაკეტო კომპლექსები – 120 კმ-ზე.
5. აიკრძალოს მძიმე შეიარაღებისა და სამხედრო ტექნიკის განთავსება რაიონში, რომელიც შემოსაზღვრულია დასახლებული პუნტქებით.
6. აიკრზალოს ახალი დანაღმული საინჟინრო დაბრკოლებების აღმართვა უსაფრთხოების ზონის ფარგლებში. ყველა ვალდებულია მოხსნას ადრე დამონტაჟებული დაბრკოლებები.
7. აღნიშნული მემორანდუმის ხელმოწერიდან აიკრძალოს სამხედრო ავიაციისა და უცხოური უპილოტო აპარატების ფრენები, გარდა ეუთოს უპილოტო აპარატებისა, როგორც ურთიერთშეხების ხაზის გასწვრივ ასევე 30 კილომეტრიან უსაფრთხოების ზონაში.
8. ცეცხლის შეწყვეტის ზონაში ეუთოს მონიტორინგის მისიის განთავსება ამ მემორანდუმის ხელმოწერიდან 1 დღეში. აღნიშნული ზონა დაიყოფა სექტორების მიხედვით რომელტა რაოდენობა და საზღვრები შეთანხმებული იქნება ეუთოს მონიტორინგის მისიასთან.
9. ყველა უცხოური შეიარაღებული ფორმირებების, სამხედრო ტექნიკის, ბოევიკებისა და დაქირავებულების გაყვანა უკრაინის ტერიტორიიდან ეუთოს მონიტორინგის თანხლებით.”
დოკუმენტს ხელი მოაწერეს – ჰაიდი ტალიავინმა (ეუთო), ლეონიდ კუჩმამ (უკრაინა), მიხეილ ზურაბოვმა (რუსეთის ელჩი უკრაინაში), ალექსანდრე ზახარჩენკომ (დონეცკის სეპარატისტების წარმომადგენელი და იგორ პლოტნიცკიმ (ლუგანსკის სეპარატისტების წარმომადგენელი).