მათ პირობა შეასრულეს, პირველები შევიდნენ ცხინვალში გორის ჯავშანსატანკო ბატალიონის ტანკისტები გია და გელა რომელაშვილები
მათ პირობა შეასრულეს, პირველები შევიდნენ ცხინვალში გორის ჯავშანსატანკო ბატალიონის ტანკისტები გია და გელა რომელაშვილები
29.12.2016.
გმირი – “მათ პირობა შეასრულეს, პირველები შევიდნენ ცხინვალში პირველი ტანკი, რომელიც 2008 წლის 8 აგვისტოს ცხინვალში შეიჭრა, გია რომელაშვილის იყო.
მას უკან მეორე ტანკი მიჰყვებოდა, სადაც მისი უმცროსი ძმა _ გელა იჯდა.ბიჭებმა პირობა შეასრულეს, ოცნება აისრულეს და ცხინვალში, თეატრის წინ ტანკით გაიარეს, იმ ცხინვალში, საიდანაც ისინი ოსებმა 1991 წელს გამოყარეს. მაშინ გია 11 წლის იყო, გელა – შვიდის.
ბავშვობა გორში, დევნილობაში გაატარეს. ვერ ივიწყებდნენ მშობლიური ქალაქიდან გამოყრის სიმწარეს. `ამბობდნენ, წინ ცხინვალელები უნდა წავიდეთ, ცხინვალი პირველ რიგში ჩვენი იყო
და ჩვენი დასაბრუნებელიაო. ეს პირობა შეასრულეს, პირველები შევიდნენ ცინვალში. სულ იმას
იძახდა გია, ნეტა ჩემი ტანკით ცხინვალის ცენტრში, თაეტრის წინ გამატარაო. ეს პირობაც შეასულეს, მაგრამ ძვირად დაუჯდათ~, _ იხსენებს გმირების მამა.
გმირობა
გია რომელაშვილი ბოლოს გორის ჯავშან-სატანკო ბატალიონში მსახურობდა ოცმეთაურად, გელა იმავე ოცეულის მემიზნე-ოპერატორი იყო. გელა ოჯახში ბოლოს 6 აგვისტოს ნახეს, გია 7-ში ყოფილა შინ. მას შემდეგ ბიჭები აღარ უნახავთ.
უკვე ცხინვალში იყვნენ, იბრძოდნენ, მე კი არ მაგებინებდნენ, ტელეფონზე მეუბნებოდნენ, გორთან ვდგავართო. როგორც მათი ასმეთაურისგან და სხვა თვითმხილველებისგან ვიცი, გია წინ მიუძღოდა ტანკების კოლონას, მერე გელას ტანკი მიჰყვებოდა, მათ უკან 4 თუ ხუთი ტანკი მიდიოდა. ერთხელ შევიდნენ, მეორედ, ტყვია-წამალი რომ ეცლებოდათ, ნიქოზში ამოდიოდნენ,
ავსებდნენ და უკან ბრუნდებოდნენ, მესამედ შესვლისას ლენინისა და მოსკოვის ქუჩების გადაკვეთაზე, უნივერსიტეტთან გელას ტანკს ესროლეს. ცეცხლი გაუჩნდა ტანკს, გელა ამოვიდა და მერე დაუდგენელია, სნაიპერმა ესროლა თუ დახვრიტეს. სურათი მაქვს ნანახი, ტყვია კეფიდან
შუბლშია გამოსული. ეკიპაჟის ორი წევრი გადარჩა, მარტო გელა დაიღუპა.
გიაზე კი, როგორც მეუბნებიან, მის ტანკს ოსეთის თავდაცვის მინისტრმა
ბარანკევიჩმა მოარტყა, მამუკა არეშიძისგან ვიცი, ერთ-ერთი მოსკოველი ჟურნალისტი შეესწრო და ბარანკევიჩი ეკიპაჟიანად გავანადგურეო…~ ძმები ერთად დაეცნენ ბრძოლის ველზე.
შინ ამაოდ ელოდნენ მათ. იყო იმედები და ამ იმედების მწარედ გაცრუება.
