სად გადის წითელი ხაზები !

 სად გადის წითელი ხაზები !

26.11.2016

15178146_1748341288821013_7930854059876134567_n

სად გადის წითელი ხაზები !

ოკუპირებული რეგიონის ,,საზღვრისპირა“ ზოლში დამატებით 19 რუსული სამხედრო საგუშაგო განთავსდება დაგეგმილია სამხედრო აეროპორტის მშენებლობა, გალი კი უკვე სამხედრო ქალაქად გამოაცხადეს საუბარია ამ რეგიონში 2 ახალი სამხედრო ბაზის განთავსებაზე, სადაც ჯამში 3 000 მეტი ჯარისკაცი განთავსდება რომელიც გაძლიერებული იქნება შემტეითი სახის შეიარაღებით.
რუსეთის პრეზიდენტმა ჯარების გაერთიანებული დაჯგუფების შექმნის შესახებ კანონს ხელი 22 ნოემბერს მოაწერა.

,,ერთობლივი“ სამხედრო დაჯგუფების ,,ამოცანაა“ რომელიმე მხარეზე შეიარაღებული თავდასხმის მოგერიება ასევე სამხედრო საფრთხეზე რეაგირება.
ოკუპირებულ სივრცეში გალი ერთადერთი რაიონია სადაც მოსახლეობის 95% პროცენტზე მეტი ეთნიკური ქართველია.
.ისმის კითხვები რა ხდბა ჩვენს თავს?

დაპყრობილ მიწას მეორედ რომ არ იპყრობენ ეს ფაქტია. მაგრამ ოკუპირებულ რეგიონებში, საზღვრისპირა სივრცეებში, სპონტანურ სამხედრო წვრთვნებში, შეიარაღების დემონსტრირება-გამოცდებში, ტერიტორიულ სივრცეების დარღვევებში და დამაგვარ სამხედრო თამაშებში, თანამედროვე სამხედრო პოლიტიკა მოისაზრებს ერთგვარ გაფრთხილებას და ეს ხდება მანდამაინც იმ შემთხვევაში როდესაც ქვეყნებს შორის დიპლომატიური დიალოგი ჩიხში შედის ან საერთოდ არ არსებობს.

როდესაც შენი დამპყრობელი გეოპოლიტიკური გიგანტია ალბად აჯობებს დაიხსომო რომ სამხედრო პროვოცირება მას წლებია მსოფლიოში კარგად გამოსდის.

ის რომ გალის რაიონი უკვე სამხედრო ქალაქის სტატუსს ატარებს ეს ნიშნავს იმას რომ სასაზღვრო ზოლის კონტროლი გამკაცრდება როგორც მოქალაქეების მიმართულებით ასე საჰაერო კონტროლის კუთხით, ეს ნისნავს იმას რომ რეგიონში გაძლიერებული სამხედრო პოტენციალი, ყველაფერი ავტომატურად ავა სამხედრო უსაფრთხოების დაზღვევაზე, რეგიონში დაგეგმილია სამხედრო აეროპორტის მშენებლობა რომელიც სავარაუდოდ მოემსახურება გაძლიერებული სამხედრო პლაცდარმის ლოგისტიკურ და სამხედრო საცეცხლე მხარდაჭერას.

ცნობისთვის განვმარტავ რომ აეროპორტი მისი მაშტაბით გაცილებით მოცულობითია ვიდრე აეროდრომი . აეროპორტი მოიცავს საფრენი საშუალებების მიმოსვლის ბილიკებს, რადიოლოკაციური, მეტეორეოლოგიური, კავშირგაბმულობის და სანავიგაციო სადგურებს რაც აეროპორტის ავტონომიურ დაქვემდებარებაში იქნება ასევე ხანძარსაწინააღმდეგო სისტემების და მომსახურების მანქანების სრულ კომპლექტს და რადგან სამხედრო აეროპორტზე გვაქვს საუბარი ეს ნიშნავს იმას რომ ამ მიმართულებით საოკუპაციო რეჟიმი აუცილებლად მოახდენს მის ჰაერსაწინააღმდეგო დაცვას.

რას ნიშნავს საჰაერო კონტროლის გაძლიერება?

ეს ნიშნავს იმას რომ ვლადიკავკაზიდან აფრენილი რუსული მზვერავი თვითმფრინავი რომელიც თებერდას აეროპორთან ჯდება და გზად მთელ ტრავერსზე კავკასიონის ჩვენებურ პერიმეტრს ზვერავს რუსეთის ფედერაციის საზღვრიდან (ამას ახორციელებს ყოველდღე) ერთადერთი აღარ იქნება და გაძლიერდება საჰაერო დაზვერვა რომელიც მოწინაღმდეგის თავში ახალ და ახალ ბოროტ იდეებს დაბადებს.

დაცვის მექანიზმად კი გვაქვს უვარგისი პოლიტიკა ,,თითქოს იდეაში ვიღაც გვიცავს“ ომში სიტყვით დაცული ტერიტორია გინახიათ ვინმეს?

ვეკითხები მთელ გენერალურ შტაბს ისეთი გაგებით რასაც მოწინააღმდეგე გალის რეგიონს ,,სამხედრო ქალაქდ”მოისაზრებს რას უპირისპირებთ?

თქვენ ეს ვარკეთილში თქვენს მიერ ,,წამოჭიმული” სამხედრო ქალაქი ხომარ გგონიათ სადაც ჩინელიდან დაწყებული იაკუტიელით დამთავრებული თავის ვიტალურ მოთხოვნილებას იკმაყოფილებს?!

საქმე გვაქვს ბუფერში ბუფერის შექმნასთან, კიდევ ერთ მარწუხთან საკუთარი საზოგადოების და გაჭირვებული ერის კისერზე რომარაფერი ვთქვათ იმ დიდ გეოპოლიტიკურ თამაშთან საიდანაც გამოსავალი რატომღაც ვერ ვნახეთ

მთავარსარდლად გვყავს პრეზიდენტი რომელიცმაც დიდი დიდი პორნო ბატალიებში მიიღებს მონაწილეობას, რომელმაც გენერალური შტაბის უფროსად დანიშნა კადრი რომელიც 2008 წლის ომის დროს საკუთარი მიწის ნაკვეთის გაფორმებით იყო დაკავებულიროცა როცა ქვეყანა ტერიტორიებს კარგავდა ამ სწორედ მაშინ ( თუ ასე არიყო გამოვიდეს და განმარტოს საზოგადოების წინაშე) ამ უკანსკნელმა კი გენერალური შტაბის უფროსის მოადგილედ დანიშნა კაცი რომელიც აფხაზეთის ომში არ ომობდა იმ მოტივით რომ ნახევრად აფხაზი იყო.
ავიაცია დავსალეთ ფლოტი არგვინდა, ავიაციის სარდლად ხან უცოდინარს ვნიშნავთ ხან პოლიტხელს.

არვიცი საით მივექანებით, საერთოდ რაგვინდა ან რაზე ვფიქრობთ თავდაცვისა და უშიშროების კომიტეტის თავჯდომარის პოსტზე ისეთ ,,კაცს“ ააქვს პრეტენზია ვისაც ერთი ღამე ყაზარმაში არ გაუთევია, საგუშაგოზე არ მდგარა, განგაშის სიმწარე არიცის.

გენერალურ შტაბში კი ისეთი კატეგორია დაწინაურდა, რომ დასვა ოცეულის დონეზე ძალთა ბალანსს ვერ დაწერს.

და ამ დროს პროფესიონალი კადრები თადარიგშია მიყრილი.

სად გადის წითელი ხაზები აფხაზეთში? თუ სამაჩაბლოში?
უპირველესად ეს კვეთა ჩვენ ცნობიერებაში გადის, ჩვენს დუმილში, ჩვენს მონურ მორჩილებაში არადა დასანანია იმიტომ რომ ხვალ შეიძლება სინანულის დროც აღარ გვქონდეს!

თადარიგის სამხედრო ავიაციის უფროსი ლეიტენანტი დავით ნემსაძე

 

 

You may also like...

კომენტარის დატოვება