ახალი საზენიტო-სარაკეტო სისტემა С-500 «Прометей» (55R6M Triumfator-M)
ახალი საზენიტო-სარაკეტო სისტემა С-500 «Прометей» (55R6M Triumfator-M)
ფოტოს წყარო: Wikimedia Commons/Vitaly V. Kuzmin
წელს რუსეთში დაიწყება უახლესი საზენიტო-სარაკეტო სისტემის, სახელწოდებით С-500 “Прометей”-ს (დასავლური მოდიფიკაციით 55R6M Triumfator-M) გამოცდები. ახალი სისტემა გაცილებით მაღალი შესაძლებლობებისაა, ვიდრე С-400, იგივე S-400 Triumf (დასავლური მოდიფიკაციით SA-21 Growler). პენტაგონში შიშობენ, რომ პერსპექტიული რუსული სისტემისთვის “სტელს” ტექნოლოგია დაბრკოლება აღარ იქნება. რუსული მხარე უკვე ემზადება ახალი სისტემის ცდებისთვის, ამისათვის კი სისტემის პირველი პროტოტიპები უკვე მზადაა-იუწყება The National Interest-ი. გამოცემა ამბობს, რომ პირველი ცდები წლის ბოლომდე ჩატარდება. გეგმის მიხედვით ახალი სისტემების შეიარაღებაში მიღების წლად 2017 წელია დაანონსებული. შეიარაღებაში ჩარიცხვის შემდეგ, ახალი სისტემები ერთიან რუსულ ჰაერსაწინააღმდეგო ფარში იქნებიან ინტეგრირებულნი. ექსპერტების ვარაუდით, ახალი სისტემა S-400-სზე გაცილებით მძლავრი იქნება. “პრომეთე”-ს ექნება შესაძლებლობა, ერთდროულად აღმოაჩინოს 10 ერთეული ბალისტიკური რაკეტა, თუნდაც მათი ფრენის სიჩქარე 7000 მ/წმ იყოს. ახალი სისტემის მოქმედების დიაპაზონი 600 კმ-ით განისაზღვრება, ხოლო სიმაღლე 185 კმ-ით (ზღვის დონიდან), რაც ნიშნავს მოწინააღმდეგის რაკეტის განადგურებას სივრცეში შემოსვლისას, ან შემოსვლამდე. ისევე როგორც წინამორბედს, ახალ S-500-სსაც მაღალი მობილურობა ექნება, ასევე ექნება საშუალება შორ დისტანციებზე გადაადგილდეს. სისტემა მაღალი აღქმის რადარების მონაცემებს გამოიყენებს სამიზნეებთან საბრძოლველად. კერძოდ, როგორც აშშ-ში ფიქრობენ, სისტემა გამოიყენებს ახალი ტიპის 96L6-tsp-ის ტიპის რადარს, რომელიც თავის მხრივ არის გაუმჯობესებული ვერსია 91N6A (M)-ისა. ეს სარადარო სისტემა დამატებით აერთიანებს მულტიფუნქციურ რადარ 76T6-სს და საფრთხის აღმომჩენ რადარ 77T6 ABM-სს. ამერიკის შეერთებული შტატების თავდაცვის მრეწველობაში აღნიშნეს, რომ მიუხედავად საბჭოთა კავშირის დაშლით რუსეთისთვის მიყენებული ზარალის დიდი მასშტაბებისა, ქვეყანამ მაინც შეძლო მაღალტექნოლოგიური ცოდნის შენარჩუნება და მისი შემდგომი სრულყოფა, რომელიც სამხედრო ინდუსტრიაში ყველა სფეროს ეხება. აშშ-ში ახალი სისტემის შესაძლებლობებმა შეაფიქრიანა ამერიკელი მაღალჩინოსნები, ვინაიდან აშშ-ს “უხილავი” F-22, F-35 და B-2 აღარ იქნება შეუმჩნეველი. მათი ჩამოყრის საფრთხე ახლა იმხელაა, რაც ადრე არასოდეს ყოფილა. იმის გათვალისწინებით, რომ “პრომეთეს” ორი თაობით დაბალ საფეხურზე მდგარი საზენიტო-სარაკეტო კომპლექსი S-300 (და მისი მოდიფიკაციები) ჯერ კიდევ საკმაოდ მძლავრი სისტემაა მსოფლიოში, აღარაფერს ვამბობ მის ახალ ვერსია S-400-სზე, რუსებმა დაიწყეს ერთიანი მართვის და უზრუნველყოფის ქსელის შექმნა, რომლის მეშვეობითაც შესაძლებელი იქნება იმართოს როგორც ს-300, ასევე ს-400 და ახალი ს-500. ეს ერთიანი სამართავი ქსელი ინტეგრირდება ერთიან რუსულ გლობალური ქსელში და მიიღება შესაძლებლობებით მძლავრი და სამართავად მარტივი სისტემური ქსელი. სხვა მონაცემები ახალ სარაკეტო სისტემაზე, ასევე ტექნიკურ-ტაქტიკური მახასიათებლები ჯერჯერობით ცნობილი არაა.
სტატიის ავტორი: დეივ მაჯუმდარი (Dave Majumdar)
ეს პიროვნება გახლავთ გამოცემა The National Interest-ის თავდაცვის სექტორის რედაქტორი. მასთან დაკავშირება შეგიძლიათ: @davemajumdar(Twitter)
ლექსო ლომაშვილი
მასალის გამოყენება ავტორის ნებართვის გარეშე აკრძალულია
წყარო: baltnews.lv / nationalinterest.org
