ლევან იზორია: „ანტისაჰაერო სისტემის შექმნა ჩვენი პრიორიტეტია“
ლევან იზორია: „ანტისაჰაერო სისტემის შექმნა ჩვენი პრიორიტეტია“
11.04.2017.
პარლამენტის თავდაცვისა და უშიშროების კომიტეტზე სიტყვით გამოსვლისას ლევან იზორიამ ანტისაჰაერო სისტემის შექმნის შესახებ ისაუბრა. საქართველოს თავდაცვის მინისტრის განცხადებით, უწყების მიერ განსაზღვრული გეგმების 70% უკვე შესრულებულია. „დაგვრჩა ერთ-ერთი ძირითადი მიმართულება – აღჭურვილობა. მოდერნიზაციის განსაზღვრული 5 მიმართულებიდან ყველაზე ცენტრალური ანტისაჰაერო სისტემის შექმნაა, რადგან ვერც ერთ დანაყოფს ვერ ექნება შანსი გაუმკლავდეს მტერს, თუ ის არ იქნა დაცული ანტისაჰაერო სისტემით. ბევრჯერ მსმენია კრიტიკა, თითქოს ფლოტზე და ავიაციაზე უარს ვამბობთ. ღმერთმა ქნას ყველაფერი შეგვეძლოს, უბრალოდ პრიორიტეტებს ჩვენი ფინანსური შესაძლებლობებიდან გამომდინარე განვსაზღვრავთ. რუსეთთან ომმა სწორედ ეს გვაჩვენა, შეიძლება გყავდეს რამდენიმე ერთეული მოიერიშე, მაგრამ თუ მათი დაცულობის ხარისხი ნულის ტოლია და აეროდრომების ინფრასტრუქტურა დაუცველი, შეიძლება ერთმა რაკეტამ მწყობრიდან გამოიყვანოს ათეულობით საფრენი აპარატი. ჩვენ ვაკეთებთ პრიორიტეტულ გათვლებს და ვსწავლობთ გამოცდილებიდან. გადასახადების გადამხდელებს, რომელთაგანაც მობილიზდება თავდაცვის სამინისტროს თანხები, აქვს ლეგიტიმური კითხვა, თუ რამდენად ვიქნებით დაცული ომისა და კრიზისის შემთხვევაში,“ – განაცხადა ლევან იზორიამ.
საქართველოს თავდაცვის მინისტრის თქმით, მომავალ კვირას ის საფრანგეთის თავდაცვის მინისტრთან ანტისაჰაერო სისტემის შეძენის და იმპლემენტაციის კონკრეტული გეგმების შესახებ გამართავს მოლაპარაკებებს. „2017-18 წლებში აქტიურ ფაზაში შევდივართ, ასე რომ ჩვენ ამის მზაობა და პრინციპული პოზიცია უკვე გვაქვს. ასევე გვაქვს პარტნიორების უპრეცედენტო მხარდაჭერა, რომელსაც საზოგადოება ჩვენი საჯარო ვიზიტების ფარგლებში აკვირდება“.
აქვე იხილეთ
http://gmas.ge/2016/%E1%83%A1%E1%83%98%E1%83%90%E1%83%AE%E1%83%9A%E1%83%94%E1%83%94%E1%83%91%E1%83%98/%D0%BF%D0%BE%D1%87%D0%B5%D0%BC%D1%83-%D1%81-400-%D0%BD%D0%B5-%D0%B2%D0%B8%D0%B4%D1%8F%D1%82-f22-%D0%B8-%D0%BD%D0%B5-%D0%BF%D0%BE%D1%80%D0%B0%D0%B6%D0%B0%D1%8E%D1%82/
