თავდაცვის სამინისტროს ინფორმაციით, კონგოში დატყვევებული მფრინავი საქართველოს შეიარაღებული ძალებიდან 2015 წელს წავიდა

თავდაცვის სამინისტროს ინფორმაციით, კონგოში დატყვევებული მფრინავი საქართველოს შეიარაღებული ძალებიდან 2015 წელს წავიდა

23.02.2017

14721471_1345798842119521_3855002995364432090_n

 

კონგოში დატყვევებული ქართველი მფრინავი საქართველოს შეიარაღებული ძალებიდან 2015 წელს საკუთარი განცხადების საფუძველზე წავიდა.

როგორც ”ინტერპრესნიუსს” საქართველოს თავდაცვის სამინისტროში განუცხადეს, სოსო ოსურაული დაახლოებით 10 წლის წინ შეიარაღებული ძალებიდან წავიდა, თუმცა 2014 წელს უწყებაში კვლავ დაბრუნდა. მათი ინფორმაციით, 2015 წლის მარტში ოსურაულმა კონგოში კარგი შეთავაზების მიზეზით სამსახურიდან წასვლის შესახებ განცხადება დაწერა და კვლავ წავიდა.

აღსანიშნავია, რომ ოსურაულის ძმა საქართველოს შეიარაღებულ ძალებში მსახურობს.

უწყების პრესსამსახურის განცხადებით, როგორც თავდაცვის, ისე საგარეო საქმეთა სამინისტროები და შესაბამისი სტრუქტურები მომხდართან დაკავშირებით მუდმივ კონტაქტზე იმყოფებიან დატყვევებულის ოჯახთან და შესაძლებლობების ფარგლებში ყველაფერს აკეთებენ მის გასათავისუფლებლად.

საგარეო საქმეთა სამინისტროს ინფორმაციით, კონგოს ხელისუფლება ადასტურებს, რომ კონგოს სამხედრო-საჰაერო ძალების ორი შვეულმფრენი მეამბოხეებმა 27 იანვარს ჩამოაგდეს. ერთ-ერთს საქართველოს მოქალაქე სოსო ოსურაული მართავდა. მეამბოხეებს ტყვედ სწორედ ის ჰყავთ აყვანილი, ხოლო მეორე მოქალაქე დაჭრილია და თუმცა იგი სამშვიდობოზეა და მკურნალობას გადის აღმოსავლეთ კონგოს ქალაქ გომაში.

 

error: სტატიის დაკოპირება აკრძალულია!!!