ნორვეგიის თავდაცვის მინისტრი JTEC-ში

ნორვეგიის თავდაცვის მინისტრი JTEC-ში

3.04.2017.
17759973_1534279546604782_2556225724372823943_n

საქართველოში ოფიციალური ვიზიტის ფარგლებში, ნორვეგიის სამეფოს თავდაცვის მინისტრი ნატო-საქართველოს წვრთნისა და შეფასების ერთობლივ ცენტრს (JTEC) ეწვია. ინე ერიქსენ სორეიდე  JTEC-ში საქართველოს შეიარაღებული ძალების გენერალური შტაბის უფროსის პირველ მოადგილესთან, პოლკოვნიკ ნიკოლოზ ჯანჯღავასთან ერთად იმყოფებოდა. ნორვეგიელ სტუმარს მასპინძლობა ცენტრის ხელმძღვანელმა პირებმა და წვრთნებისა და სამხედრო განათლების სარდალმა, პოლკოვნიკმა მალხაზ მაკარაძემ გაუწიეს. ინე ერიქსენ  სორეიდემ JTEC-ის ინფრასტრუქტურა დაათვალიერა და სამუშაო პროცესს გაეცნო.

მოგვიანებით, JTEC-ს მრჩეველთა ჯგუფის ხელმძღვანელმა, ნორვეგიელმა ვიცე-პოლკოვნიკმა მარიუს ნილსენმა  სტუმრებს ნატო-საქართველოს წვრთნისა და შეფასების ერთობლივი ცენტრის დაარსების, სტრუქტურის, ჩატარებული წვრთნებისა და დაგეგმილი ღონისძიებების შესახებ პრეზენტაცია წარუდგინა. ვიცე-პოლკოვნიკმა მარიუს ნილსენმა ნატო-საქართველოს არსებითი პაკეტის იმპლემენტაციის პროცესსა და პაკეტით გათვალისწინებულ თხუთმეტ ინიციატივაზე ისაუბრა და  JTEC-ის მუშაობის პროცესში ყურადღება საერთაშორისო პარტნიორების მხარდაჭერასა და ნორვეგიის მნიშვნელოვან როლზე გაამახვილა.

ბრიფინგზე სტუმრებს სიტყვით პოლკოვნიკმა ნიკოლოზ ჯანჯღავამ  მიმართა და ინფორმაცია საქართველოს თავდაცვის პრიორიტეტებსა და შესაძლებლობებზე, ასევე, საქართველოს შეიარაღებული ძალების მზადყოფნაზე მიაწოდა. მან ნორვეგიულ მხარეს გაწეული მხარდაჭერისა და საქართველოს ეროვნული გვარდიის განვითარებაში შეტანილი  წვლილისთვის მადლობა გადაუხადა.

ნორვეგიის თავდაცვის მინისტრი საქართველოში პირველი ოფიციალური ვიზიტით იმყოფება. მას ქართველი კოლეგა ლევან იზორია მასპინძლობს.

„ჩვენთვის დიდი პატივია ვუმასპინძლოთ ნორვეგიის თავდაცვის მინისტრს წვრთნისა და შეფასების ერთობლივ ცენტრში და ჩავუტაროთ პრეზენტაცია ცენტრის შესახებ. JTEC-ს ყოველდღიურად შეუძლია ხელშესახები შედეგები დადოს. ჩვენ დიდ პროგრესს მივაღწიეთ და დიდი პატივია ცენტრის წარმატებების შესახებ მივაწოდოთ ინფორმაცია ქალბატონ თავდაცვის მინისტრს“. 

წყარო:საქართველოს თავდაცვის სამინისტრო

 

 

 

error: სტატიის დაკოპირება აკრძალულია!!!