სიმონეთის სამხედრო პოლიგონზე წვრთნების დროს ჯარისკაცი დაშავდა
სიმონეთის სამხედრო პოლიგონზე წვრთნების დროს ჯარისკაცი დაშავდა
30.10.2017
თავდაცვის სამiნისტროს ინფორმაციით 26 ოქტომბერს სიმონეთის სასროლეთზე სასწავლო სროლების მიმდინარეობისას, მსხილკალიბრიანი ტყვიამფრქვევიდან მე-3 ქვეითი ბრიგადის 32-ე ბატალიონის საბრძოლო მხარდაჭერის ასეულის, საცეცხლე მხარდაჭერის ოცეულის სამხედრო მოსამსახურე ვ.ჭ, რომელიც სამიზნე სროლებს ახორციელებდა, უეცარი გასროლის შედეგად დაუზიანდა მარცხენა ხელის მტევანი, რის გამოც გადაყვანილი იქნა ქ. ქუთაისის კლინიკურ საავადმყოფოში, სადაც ჩუტარდა გადაუდებელი ქირურგიული ოპერაცია, მარცხენა ხელის მტევნის ამპუტაცია. მომხდარ ფაქტთან დაკავშიფრებით იმავე დღეს დაიწყო გამოძიება სამხედრო პოლიციის დეპარტამენტში 124-ე მუხლით (ჯანმრთელობის დაზიანება გაუფრთხილებლობით) საქმეზე ობიოუექტური ჭეშმარიტებისა და მომხდარის დეტალების გარკვევის მიზნით მიმდინარეობს გამოძიება, რომლის ფარგლებშიც დანიშნულია სხვადასხვა სახის ექსპერტიზები. აღსანიშნავია, რომ ვ.ჭ. მეცადინეობის დაწყების წინ, ჩაუტარდა უსაფრთხოების ინსტრუქტაჟი და ეს მისი სწავლებაში მონაწილეობის პირველი ფაქტი არ ყოფილა. ვ.ჭ ავღანეთის სამშვიდობო მისიაში 2-ჯერ არის ნამყოფი და 11 წელია ის შეიარაღებულ ძალებში მსახურობს.
