ვინ რამდენ ხარჯავს თავდაცვისთვის მსოფლიოში? 2017 წელს მსოფლიოში სამხედრო ხარჯებმა ტრილიონ 739 მილიარდ დოლარი შეადგინა.

ვინ რამდენ ხარჯავს თავდაცვისთვის მსოფლიოში? 2017 წელს მსოფლიოში სამხედრო ხარჯებმა ტრილიონ 739 მილიარდ დოლარი შეადგინა.

3.05.2018

სტოკჰოლმის მშვიდობის საკითხების საერთაშერისო ინსტიტუტის მონაცემებით, ცივი ომის დასრულების შემდეგ ეს ყველაზე მაღალი მაჩვენებელია. 2016 წელთან შედარევით სამხედრო ხარჯები 1,1 პროენტითაა გაზრდილი.
ამასთან სამხედრო ხარჯებმა გლობალური მთლიანი შიდა პროდუქტის 2,2 პროცენტი შეადგინა. სტატისტიკურად, დედამიწის თითოეულ მოსახლეზე სამხედრო ხარჯი 230 დოლარს შეადგენს.
ყველაზე დიდი სამხედრო ბიუჯერის მქონე სახელმწიფოდ შეერთებული შტატები რჩება. მსოფლიო სამხედრო ხარჯებში ამერიკის წილი 35 პროცენტს შეადგენს (610 მილიარდი დოლარი). მეორე ადგილზე ჩინეთია. ამ ქვეყანაზე მთლიანი დანახარჯის 13 პროცენტი მოდის. მესამე ადგილზე საუდის არაბეთმა აინაცვლა, რომელმაც სამხედრო დანახარჯებით რუსეთს გადაუსწრო. ამასთანავე რუსეთს მხოლოდ 0.1 პროცენტით ჩამორჩება ინდოეთი.
ნატოს ქვეყნების ჯამური სამხედრი ბიუჯეტი 900 მილიარს შეადგენს, რაც მსოფლიოს დანახარჯების 52 პროცენტია.
ექსპერტები აღნიშნავენ, რომ მნიშვნელოვნად არის შემცირებული რუსეთის სამხედრო დანახარჯები. 2017 წელს მოსკოვმა სამხედრო ხარჯები მთელი 20 პროცენტით შეამცირა. ახლა რუსეთი თავდაცვისთვის 66 მილიარდ დოლარს ხარჯავს.
პროცენტული თვალსაზრისით ყველაზე მნიშვნელოვნად სამხედრო ბიუჯეტი 2017 წელს რუმინეთმა გაზარდა. წელს რუმინეთის თავდაცვის ბიუჯეტი 4 მილიარდ დოლარს შეადგენს, რაც შარშანდელ მაჩვენებელზე ორჯერ მეტია.
საქართველოს თავდაცვის ბიუჯეტი 2017 წელს 743 მილიონი ლარი – 300 მილიონი დოლარი იყო.

You may also like...

კომენტარის დატოვება