რეზერვისტთა პირველი ნაკადის ფიზიკური მომზადება დაიწყო

რეზერვისტთა პირველი ნაკადის ფიზიკური მომზადება დაიწყო

თელავში ტერიტორიული რეზერვის პირველ რეგისტრირებულებს ფიზიკური მომზადების ტესტები ჩაუტარდათ. ტესტირება საქართველოს ეროვნული გვარდიის მე-20 კადრირებულ ბრიგადაში გაიმართა. სამხედრო ინსტრუქტორებმა მსურველებს ფიზიკური მომზადების წესები გააცნეს და მათი მეთვალყურეობით ფიზიკური მომზადების ტესტი გაიარეს. კახეთის რეგიონში მცხოვრებმა 18-დან 50 წლამდე მოქალაქეებმა რეზერვში მისაღებად წოლბჯენიდან აზიდვა, პრესი და 3200 მეტრზე სირბილი ჩააბარეს.

ფიზიკური მომზადების ტესტების ჩაბარების შემდეგ რეზერვისტები ფსიქოლოგიურ ტესტს და სამედიცინო შემოწმებას გაივლიან, რის შემდეგაც ისინი ტერიტორიულ რეზერვში 1 ოქტომბრიდან ჩაირიცხებიან.

ტერიტორიულ და სპეციალისტთა რეზერვში, პირველ ეტაპზე, 18-დან 50 წლამდე ასაკის კახეთის, აჭარისა და გურიის რეგიონებში მცხოვრები პირები მიიღებიან. საპილოტე პროგრამაში მონაწილეობა შეუძლიათ აღნიშნულ რეგიონებში მცხოვრებ 18-დან 22 წლის ჩათვლით სტუდენტებსაც, რომლებსაც სარეზერვო სამსახურის ერთი კონტრაქტის ვადის დასრულების შემდეგ სავალდებულო სამსახური მოხდილად ჩაეთვლებათ. საპილოტე პროგრამაში ჩარიცხვის შემთხვევაში რეზერვისტს სამუშაო ადგილი შეუნარჩუნდება და სამსახურის პერიოდი შრომის საერთო სტაჟში ჩაეთვლება. რეზერვში ჩარიცხულ მოქალაქეებს 5-წლიანი კონტრაქტი გაუფორმდებათ და მათი შრომის ანაზღაურება ყოველთვიურად წოდებრივი სარგოს 20%-ს შეადგენს, ხოლო სამხედრო სარეზერვო სამსახურის გავლის პერიოდში კი, რეზერვისტები შრომის ანაზღაურების სრულ ოდენობას მიიღებენ.

You may also like...

კომენტარის დატოვება