ქაბულში თავდასხმას ემსხვერპლნენ რადიო თავისუფლების ჟურნალისტებიც

ქაბულში თავდასხმას ემსხვერპლნენ რადიო თავისუფლების ჟურნალისტებიც

30.04.2018

მეორე აფეთქების ადგილი ქაბულში. 2018 წლის 30 აპრილი

რადიო თავისუფლების ჟურნალისტები, აბადულა ჰანანზაი და მაჰარამ დურანი დაიღუპნენ ქაბულის ცენტრში დღეს მომხდარი აფეთქების შედეგად. დაღუპულია მედიასაშუალებების კიდევ 5 წარმომადგენელი, მათ შორის სააგენტო „ფრანს-პრესის“ ფოტოკორესპონდენტი შახ მარაი. ორმა თვითმკვლელმა დაახლოებით 20 წუთის ინტერვალით თავი აიფეთქა ჯერ ავღანეთის დაზვერვის სამსახურის, შემდეგ კი ურბანული განვითარების და მშენებლობის სამინისტროს შენობებთან. აფეთქებების შედეგად დაიღუპა სულ მცირე 25 ადამიანი და 45 დაიჭრა. ჟურნალისტების სიცოცხლე მეორე აფეთქებას ემსხვერპლა. თავდასხმაზე პასუხისმგებლობა აიღო ექსტრემისტულმა დაჯგუფებამ „ისლამურმა სახელმწიფომ.“
error: სტატიის დაკოპირება აკრძალულია!!!