შსს მიერ ძარცვის ბრალდებით დაკავებულ თავდაცვის სამინისტროს თანამშრომელს სამსახურებრივი უფლებამოსილება შეუჩერდა.

შსს მიერ ძარცვის ბრალდებით დაკავებულ თავდაცვის სამინისტროს თანამშრომელს სამსახურებრივი უფლებამოსილება შეუჩერდა.

საქართველოს თავდაცვის სამინისტროს სამხედრო პოლიციის და შინაგან საქმეთა სამინისრტოს მიერ ერთობლივად გატარებული ოპერატიული-სამძებრო ღონისძიებების შედეგად შს სამინისტროს მიერ 2018 წლის თებერვალში ქ,თბილისში აღამშენებელის გამზირეზე მდბარე ერთ-ერთი სავალუტო ჯიხურის ძარცვის ბრალდებით საქართველოს თავდაცვის სამინისტროს იურიდიული დეპარტამენტის თანამშრომელი დავით ღვინიაშვილი 2018 წლის 14 ივნისს  ბრალდებულის სახით   იქნა  დაკავებული.

დ. ღვინიაშილს 15 ივნისს წარედგინა ბრალდება საქართველოს სსკ 178-ე მუხლის მე-3 ნაწილით,რომელიც  გულისხმობს სხვისი მოძრავი ნივთის აშკარა დაუფლებას მართლსაწინააღმდეგო მისაკუთრების მიზნით. რაც ისჯება თავისუფლების აღკვეთით ვადით 5-დან 8-წლამდე.

თბილისის საქალაქო სასამართლოს სისხლის სამართლის საქმეთა კოლეგიის  2018 წლის 16 ივნისის განჩინებით დავით ღვინიაშილის აღკვეთის ღონისძიების სახით შეეფარდა პატიმრობა.

საქმეს იძიებს შინაგან საქმეთა სამინისტროს ცენტრალური კრიმინალური პოლიციის დეპარტამენტი რადგან „სისხლის სამართლის საქმეთა საგამოძიებო და ტერიტორიული საგამოძიებო ქვემდებარეობის განსაზღვრის თაობაზე“ საქართველოს იუსტიციის მინისტრის 2013 წლის 7 ივლისის N 34 ბრძანების მე-6 პუნქტის თანახმად: საქართველოს თავდაცვის სამინისტროს საგამოძიებო დანაყოფის გამომძიებლები იძიებენ საქართველოს სისხლის სამართლის კოდექსის 356-ე–359-ე, 383-ე–392-ე, 394-ე–403-ე მუხლებით გათვალისწინებულ დანაშაულებს, აგრეთვე იმ დანაშაულს, რომელიც ჩადენილია საქართველოს თავდაცვის სამინისტროს დაქვემდებარებაში არსებული დაწესებულებების ტერიტორიაზე და სამხედრო ნაწილებში.

საქართველოს თავდაცვის სამინისტრომ აღნიშნულ ფაქტზე მოახდინა უსწრაფესი რეაგირება და საქართველოს თავდაცვის მინისტრის ბრძანებით, საქართველოს შინაგან საქმეთა სამინისტროს ქ. თბილისის პოლიციის დეპარტამენტის წერილისა და თბილისის საქალაქო სასამართლოს 2018 წლის 16 ივნისის განჩინების საფუძველზე, იურიდიული დეპარტამენტის მთავარ სპეციალისტს- დავით ღვინიაშვილს 2018 წლის 14 ივნისიდან (წინასწარი პატიმრობის ვადის ათვლიდან) შეუჩერდა სამსახურებრივი უფლებამოსილება.

დავით ღვინიაშვილი საქართველოს თავდაცვის სამინისტროს იურიდიულ დეპარტამენტში 2009 წლის 4 სექტემბრიდან მუშაობს. იგი 2008 წლის აგვისტოს ომში დაღუპული სამხედრო მოსამსახურის, კაპრალ სოსო ღვინიაშვილის ძმაა და მისი სამსახურში მიღება ომში დაღუპული სამხედრო მოსამსახურეების ოჯახის წევრების დასაქმების ინიციატივის ფარგლებში განხორციელდა 

მომხდარი ინციდენტი მიუღებელია საქართველოს თავდაცვის სამინისტროსა და შეიარაღებული ძალების სამხედრო მოსამსახურეთათვის, რომლებიც უდიდესი პატრიოტიზმითა და მაღალი კეთილსინდისიერებით ემსახურებიან ქვეყანას. განუცხადეს gmas.ge ის საქართველოს თავდაცვის სამინისტროში.

მოამზადა იოსებ ჭონქაძემ.

You may also like...

კომენტარის დატოვება