ერთი თვე ოკუპანტების ტყვეობაში – ცაციაშვილები დახმარებას ითხოვენ

საოკუპაციო რეჟიმი 1 თვის წინ გატაცებულ 24 წლის ახალგაზრდას ჯერ-ჯერობით არ ათავისუფლებს.

ამის შესახებ “ნიუპოსტს” სოფელ ქვეშიდან გატაცებული ჯემალ ცაციაშვილის ოჯახის წევრებმა განუცხადეს.

მათი თქმით, ცხინვალიდან ამ დრომდე არავინ დაკავშირებიათ და შესაბამისად. არ იციან რა მდგომარეობაშია გატაცებული. ჯემელ ცაციაშვილმა ოჯახს დაკავებიდან ერთ კვირაში წითელი ჯვრის მეშვეობით წერილი გაუგზავნა სადაც წერდა, რომ იგი ცხინვალის წინასწარი დაკავების იზოლატორში ჰყავდათ გადაყვანილი. მას შემდეგ კომუნიკაცია შეწყდა. ცაციაშვილები საქართველოს ხელისუფლებას დახმარების თხოვნით მიმართავენ და მოუწოდებენ, მოახდინონ შესაბამისი რეაგირება რათა მოხდეს 24 წლის ახალგაზრდის გათავისუფლება.