თავდაცვის სამინისტროს განცხადება
თავდაცვის სამინისტროს განცხადება
14.06.2015
თბილისში ძლიერი წვიმის შედეგად შექმნილი საგანგებო ვითარების გამო საქართველოს თავდაცვის უწყების ქვედანაყოფები გვიან ღამიდან მობილიზებულნი არიან.
საქართველოს შეიარაღებული ძალების საინჟინრო ბრიგადისა და ჯარების ლოგისტიკური უზრუნველყოფის სარდლობის წარმომადგენლები მოსახლეობის დასახმარებლად და სტიქიის შედეგად გამოწვეული ზარალის ლიკვიდაციის სამუშაოებში აქტიურად ჩაერთვნენ.
საქართველოს თავდაცვის უწყების ქვედანაყოფები ინტენსიურად მუშაობდნენ ვაკე-საბურთალოს მონაკვეთზე, მდინარე ვერეს მიმდებარე ტერიტორიაზე. მობილიზებულია სპეციალური ტექნიკა და პირადი შემადგენლობა, რათა, საჭიროების შემთხვევაში, თავდაცვის უწყება მეტი მასშტაბით ჩაერთოს სტიქიით გამოწვეული ზარალის ლიკვიდაციის პროცესში.
