მოტორიზებული პატრულირება მაზარ-ი-შარიფში (ვიდეო)
მოტორიზებული პატრულირება მაზარ-ი-შარიფში (ვიდეო)
16.09.2015
ავღანეთში, მაზარ-ი-შარიფში, გერმანულ სამხედრო ბაზაზე დისლოცირებული III ქვეითი ბრიგადის 32-ე ბატალიონის გაძლიერებული ასეულის ქართველმა სამხედროებმა მოტორიზებული პატრულირება განახორციელეს. ქართულმა ქვედანაყოფმა პატრულირება ბალხის პროვინციაში, ქალაქ მაზარ-ი-შარიფში და მის მიმდებარე სოფლებში ჩაატარეს.
მოტორიზებულ პატრულირებაში ქართული ასეულის პირველმა ოცეულმა მიიღო მონაწილეობა. პატრულირება ექვსი საათის განმავლობაში მიმდინარეობდა და მასში ოთხი გერმანული ჯავშანმანქანა, „დინგო“ იყო ჩართული.
ქართული ასეულის პატრულირების მთავარი მიზანი, ბაზა “მარმალის” დაცვისა და უსაფრთხოების მიზნით, საპატრულო რაიონის კონტროლი და ძალის დემონსტრირებაა.
III ქვეითი ბრიგადის გაძლიერებული ასეული მაზარ-ი-შარიფში მდებარე ბაზა „მარმალზე“ „მტკიცე მხარდაჭერის“ მისიას ასრულებს. გერმანული სარდლობის დაქვემდებარებაში მყოფი ქართული ასეულის მთავარი ამოცანა სწრაფი რეაგირება და ოპერაციის რაიონის კონტროლია.
