პუტინის პაწაწინა არმია – კლუბი, სადაც რუს ბავშვებს ნამდვილი ავტომატებით ავარჯიშებენ

პატარა ბიჭისთვის სათამაშო იარაღსა და ავტომობილებზე საყვარელი გასართობი არ არსებობს, მაგრამ ეს რუსი ბავშვები ნამდვილი იარაღით თამაშობენ.

სამხედრო სპორტულ კლუბში, რომელსაც Berkut (ოქროსფერი არწივი) ქვია, ახალგაზრდა რუსებს წვრთვნიან. ისინი ოცნებობენ, როდესმე რუსული არმიის ელიტარულ ერთეულებს შეუერთდნენ და ვლადიმერ პუტინის მეთაურობით იბრძოლონ.

5 წლის ბავშვები მარშირებენ, გადიან საბრძოლო წვრთვნებს, სწავლობენ ხელჩართულ ბრძოლას. 12 წლის ასაკში უკვე კალაშნიკოვს ეუფლებიან. კლუბის რეგულარულ ბანაკებში ზოგიერთ ბავშვს შესაძლებლობა ეძლევა, რომ პარაშუტითაც გადმოხტეს. კლუბი ჟუკოვსკში მდებარეობს. მისი მიზანია, ბავშვები შეაჩვიონ ჯანსაღი ცხოვრების წესს, კარგ ფიზიკურ განვითარებას და ასწავლონ სამშობლოს ერთგულება. ამასთან,

კლუბში ყველა ბავშვი გადის ზამთარში ქვეითად მოგზაურობისა და გადარჩენის პროგრამას.

როგორც კლუბის ადმინისტრაციაში აცხადებენ, პროგრამა რუს დედებს მოუწოდებს, რომ ბავშვობიდან დააკავონ შვილები სპორტით და ნუ დაელოდებიან იმ დროს, როცა ზრდასრულ ასაკში ნარკოტიკებსა და ალკოჰოლს დაეჩვევიან. ყოველ წელს კლუბი საბჭოთა კავშირის მეორე მსოფლიო ომში გამარჯვების დღეს აღნიშნავს, სადაც საჯარო პერფორმანსზე ბავშვები მშობლებს მთელი წლის პროგრამას უჩვენებენ.