აგვისტო 15, 2022

Gmas.ge

ქართული სამხედრო ანალიტიკური პორტალი

საქართველოს დამოუკიდებლობის დღის გენერალური რეპეტიცია ფოტო (ვიდეო)

 საქართველოს დამოუკიდებლობის დღის გენერალური რეპეტიცია ფოტო (ვიდეო)

25.05.2015.

 

11350580_991225617576847_1812402618098073940_n

დღეს, საქართველოს შეიარაღებულმა ძალებმა დამოუკიდებლობის დღისთვის გენერალური რეპეტიცია თავისუფლების მოედანზე გამართა. სამხედრო-საჩვენებელი კომპონენტის ბოლო დეტალები სამხედრო მოსამსახურეებმა გენერალური შტაბის უფროსთან, გენერალ-მაიორ ვახტანგ კაპანაძესთან ერთად გაიარეს.

ფიცის დადებისთვის ემზადება საქართველოს შეიარაღებული ძალების საწყისი-საბრძოლო მომზადების ცენტრის ახალწვეულთა პირადი შემადგენლობა. ლეონიძისა და ლესელიძის ქუჩებიდან თავისუფლების მოედანზე მარშით შემოვიდა შეიარაღებული ძალების სხვადასხვა კოლოფი: 40 მედროშე, ავღანეთიდან „მტკიცე მხარდაჭერის“ მისიიდან დაბრუნებული V ქვეითი ბრიგადის 51-ე ბატალიონის 240 სამხედრო მოსამსახურე, I ქვეითი ბრიგადის მე-12 ბატალიონის ასეული, ავიაციისა და საჰაერო თავდაცვის სარდლობის პირადი შემადგენლობა, დავით აღმაშენებლის სახელობის ეროვნული თავდაცვის აკადემიის 40 ოფიცერი და 125 იუნკერი, გენერალ გიორგი კვინიტაძის სახელობის კადეტთა სამხედრო ლიცეუმის 40 კადეტი, ქართულ-ამერიკულ ერთობლივ სწავლებაში „ღირსეული პარტნიორი“ მონაწილე ამერიკელი სამხედრო, ასევე შსს-ს სასაზღვრო პოლიციის სანაპირო დაცვის დეპარტამენტი. დღესვე, რეპეტიცია გაიარა ეროვნული გვარდიის სამხედრო-საჩვენებელმა ორკესტრმა და რიტუალების ასეულმა.

გენერალური რეპეტიცია თბილისის ცაზე ავიაციის მონაწილეობის გადაფრენით დასრულდა. 3 ერთეული „იროკეზის“ ტიპის შვეულმფრენმა, 3 ერთეული L-39 ტიპის თვითმფრინავმა „ალბატროსი“ და 3 ერთეული SU-25 ტიპის თვითმფრინავმა „მიმინო“ დედაქალაქის თავზე თავისუფლების მოედნიდან მიხეილ მესხის სახელობის სტადიონისა და გლდანის რაიონის გავლით თბილისის ზღვის მიმართულებით სავარჯიშო ფრენა განახორციელეს.

26 მაისს დაგეგმილ საზეიმო ღონისძიებებთან დაკავშირებით, თავისუფლები მოედანზე უკვე გამოფენილია სამხედრო ტექნიკა, შეიარაღება და აღჭურვილობა.

error: სტატიის დაკოპირება აკრძალულია!!!