აგვისტო 15, 2022

Gmas.ge

ქართული სამხედრო ანალიტიკური პორტალი

ფინელი სნაიპერი სიმო ჰაიჰა (მეტსახელად თეთრი სიკვდილი)

სიმო ჰაიჰა (მეტსახელად თეთრი სიკვდილი)

7.05.2015.

 

სიმო ჰაიჰა (მეტსახელად თეთრი სიკვდილი) იყო ფინელი სნაიპერი, რომელსაც უჭირავს მსოფლიო რეკორდი სნაიპერული შაშხანით მოკლულ მოწინააღმდეგეთა რაოდენობის მიხედვით-542.

ადრეული ცხოვრება

ჰაიჰა დაიბადა სოფელ რაუტიარვიში, რომელიც მდებარეობს დღევანდელი რუსეთ-ფინეთის საზღვართან ახლოს. მან სამხედრო სამსახური დაიწყო 1925 წელს, 20 წლის ასაკში და ფინეთის არმიაში თავი გამოიჩინა სნაიპერული უნარებით. მანამდე ჰაიჰა იყო ფერმერი და მონადირე.

ზამთრის ომი

ზამთრის ომის პერიოდში (1939-40) ფინეთსა და საბჭითა კავშირს შორის, სიმო ჰაიჰა ფინეთის არმიის რიგებში იბრძოდა როგორც სნაიპერი, წითელი არმიის წინააღმდეგ, ძირითადად კოლასიოკის მდინარის მიმდებარე ტერიტორიაზე, რომელიც მდებარეობს კარელიის რესპუბლიკაში (რუსეთის ფედერაციის სუბიექტი). -40, -20 გრადუსი ცელსიუსის პირობებში, ჩაცმული იყო მთლიანად თეთრ ტანსაცმელში, რათა შეუმჩნეველი ყოფილიყო. ჰაიჰამ ამ ომის განმავლობაში დადასტურებული 542 საბჭოთა მებრძოლი მოკლა მოდიფიცირებული მოსინის შაშხანით- M/28-30 (რუს.Винтовка Мосина). ჰაიჰამ ყველა მათგანი მოკლა 100 დღეზე უფრო ნაკლებ დროში, რაც საშუალოდ უდრის 5 მკვლელობას დღეში-იმის გათვალისწინებით, რომ იმ პერიოდში ზამთარი იყო და შესაბამისად დღის ხანგრძლივობა მცირე.

ჰაიჰა სიმაღლით 1.60 იყო. ის თავის ნაიპერულ შაშხანაზე იყენებდა რკინის სამიზნეს, ოპტიკური სამიზნის ნაცვლად, რადგან ამ დროს მას არ მოუწევდა ტავის მაღლა აწევა, ასევე ტელესკოპის  შუშას ცივ ამინდში შესაძლებელია ორთქლი დაედოს ან მზის სხივი აირეკლოს, რასაც შესაძლებელია მისი ადგილმდებარეობა გამოეშკარავებინა.

საბჭოთა მებრძოლებმა რამოდენიმე ხერხი სცადეს ჰაიჰას მოსაკლავად, მათ შორის საწინააღმდეგო სნაიპერები და არტილერია. 1940 წლის 6 მარტს, ჰაიჰას, ერთ ერთმა რუსმა ჯარისკაცმა ესროლა და ტყვია მოხვდა ქვედა მარცხენა ყბაში. თუმცა ის გადარჩა და ევაკუირებულ იქნა ფინელი ჯარისკაცების მიერ.

გვიანი ცხოვრება

ჰაიჰას რამოდენიმე წელი დასჭირდა მისი ჭრილობის მოსარჩენად, თუმცა საბოლოოდ სრულად გამოჯანმრთელდა და დაიწყო ნადირობა ლოსზე, ასევე ძაღლების გაწვრთნა. ის ნადირობდა ფინეთის პრეზიდენტ ურჰო კეკონენთან ერთად. 1998 წელს, როდესაც კითხეს თუ როგორ გაახდა ასეთი კარგი მსროლელი, მან უპასუხა „ვარჯიში“. მოკვდა 2002 წელს, 96 წლის ასაკში.

error: სტატიის დაკოპირება აკრძალულია!!!