საქართველოს თავდაცვის მინისტრმა მოადგილეები წარადგინა

საქართველოს თავდაცვის მინისტრმა მოადგილეები წარადგინა

16.05.2015.

11051998_985602791472463_1429343483345272237_n

დღეს, საქართველოს თავდაცვის მინისტრმა თინათინ ხიდაშელმა თავდაცვის უწყების თანამშრომლებს და მედიის წარმომადგენლებს მოადგილეები წარუდგინა.

თავდაცვის მინისტრის პირველი მოადგილის თანამდებობა დავით ებრალიძემ დაიკავა, რომელიც შესყიდვებისა და ფინანსების საკითხებს გაუწევს კურირებას. დავით ებრალიძე მუშაობდა საქართველოს ფინანსთა მინისტრის მოადგილედ, ასევე ენერგოომბუდსმენად; მას აქვს საქართველოს კონტროლის პალატაში მრავალწლიანი მუშაობის გამოცდილება.

თავდაცვის მინისტრის მოადგილე – ბესო ლოლაძე თავდაცვის უწყების საპარლამენტო მდივნის ფუნქციას შეასრულებს. ბესო ლოლაძე იყო საქართველოს საკონსტიტუციო სასამართლოს წევრი, ასევე, საქართველოს იუსტიციის მინისტრის მოადგილე; ის გარკვეული პერიოდი აკადემიურ საქმიანობას ეწეოდა გერმანიაში.

თავდაცვის მინისტრის მოადგილე იქნება ანა დოლიძე, რომელიც სოციალურ საკითხებს უხელმძღვანელებს. 2004-2006 წლებში ის საქართველოს ახალგაზრდა იურისტთა ასოციაციის თავმჯდომარე იყო. ანა დოლიძე არის იურიდიულ მეცნიერებათა დოქტორი, ასევე, დასავლეთ ონტარიოს უნივერსიტეტის იურიდიული ფაკულტეტის პროფესორი და სამართლის დარგში მრავალი სამეცნიერო ნაშრომის ავტორი.

თინათინ ხიდაშელმა თავდაცვის სამინისტროს სამოქალაქო ოფისისა და გენერალური შტაბის თანამშრომლებს მრჩევლები და თანაშემწეებიც წარუდგინა. იმედა დარსალია საზოგადოებასთან ურთიერთობის, ნინო შენგელია – საერთაშორისო ორგანიზაციებთან ურთიერთობის, ხოლო მაია ქავთარაძე – სოციალური მიმართულებით იმუშავებენ. თავდაცვის მინისტრი ორი მოადგილის ვაკანტურ თანამდებობაზე კანდიდატურებს უახლოეს მომავალში წარადგენს.

error: სტატიის დაკოპირება აკრძალულია!!!