აგვისტო 10, 2022

Gmas.ge

ქართული სამხედრო ანალიტიკური პორტალი

მრავალეროვნული სწავლება “Agile Spirit 2016”-ის საველე წვრთნები.

 მრავალეროვნული სწავლება “Agile Spirit 2016”-ის საველე წვრთნები.

 4.09.2016.

14192046_1297392330293506_4822351950038583319_n

მრავალეროვნული სწავლება “Agile Spirit 2016”-ის საველე წვრთნები

ორფოლოს სამხედრო სასროლეთზე, მრავალეროვნული სწავლება “Agile Spirit 2016”-ის საველე ნაწილი აქტიურად მიმდინარეობს. სწავლებაში საქართველოს შეიარაღებული ძალების IV მექანიზირებული ბრიგადის 42-ე მექანიზირებული ბატალიონი, სპეციალური ოპერაციული ძალების ასეულის შტაბი და ოცეული, I საარტილერიო ბრიგადის საარტილერიო ბატარეა და IV მექანიზირებული ბრიგადის ნაღმმტყორცნელთა ოცეული, IV მექანიზირებული ბრიგადის სატანკო ოცეული და საინჟინრო ბრიგადის ოცეული მონაწილეობენ. სწავლებაში ჩართულია ავიაციისა და საჰაერო თავდაცვის სარდლობის საფრენი საშუალებები. სამხედრო წვრთნებში ქართულ ქვედანაყოფებთან ერთად აშშ-ის საზღვაო ქვეითთა კორპუსის სამხედრო მოსამსახურეები, აშშ-ის ევროპის სარდლობის სადესანტო ბრიგადის ნაღმმტყორცნთა ოცეული, უკრაინის საზღვაო ქვეითი და რუმინეთის ქვეითი ქვედანაყოფები, ასევე ბულგარეთის ქვეითი და სპეციალური ოპერაციული ძალების სამხედროები და ლატვიის შტაბის ოფიცრები მონაწილეობენ.

საველე სწავლების სცენარის მიხედვით, სამხედროები თავდასხმით და თავდაცვით ოპერაციებს აწარმოებენ. სამხედრო ქვედანაყოფები წვრთნებს ტაქტიკური თავმოყრის რაიონის დაკავებაში, პირდაპირი და არაპირდაპირი ცეცხლის მართვაში, კომბინირებული შეიარაღების ინტეგრირებაში, საცეცხლე მომზადებაში და სხვა საკითხებში გადიან.

მრავალეროვნული სწავლება “Agile Spirit 2016”-ის საველე ნაწილი 4 ეტაპად წარიმართება. პირველ ეტაპზე სწავლების მონაწილეები სროლებს ავტომატური ცეცხლსასროლი იარაღიდან, ჯავშანტექნიკიდან და საარტილერიო დანადგარებიდან ახორციელებენ. მეორე ეტაპზე სამხედრო მოსამსახურეებს სიტუაციური სწავლებები საბრძოლო სროლების გარეშე ჩაუტარდებათ. ქართველი და უცხოელი სამხედროები მესამე ეტაპზე საველე ტაქტიკურ სწავლებას საბრძოლო სროლებით გაივლიან. სწავლების დასკვნით ეტაპზე შემაჯამებელი წვრთნები გაიმართება, რომლის დროსაც შეტევის, თავდაცვის და უკან გამოსვლის ვარჯიშები იქნება გამოყენებული.

მრავალეროვნულ სამხედრო სწავლებას საქართველოს შეიარაღებული ძალების გენერალური შტაბი და აშშ-ის საზღვაო ქვეითები ატარებენ. სამხედრო წვრთნების მიზანი ამერიკის შეერთებულ შტატებთან და პარტნიორ ქვეყნებთან ურთიერთქმედების დახვეწა, რეგიონში უსაფრთხოების მხარდაჭერა, თავდაცვით და თავდასხმითი ოპერაციებში უნარ-ჩვევების გაუმჯობესება, ასევე აშშ-სა და პარტნიორ ქვეყნებთან ურთიერთთანამშრომლობის შენარჩუნება და გაღრმავებაა.

„Agile Spirit 2016“ სამეთაურო საშტაბო და საველე მომზადებას მოიცავს. სწავლების პრაქტიკული და თეორიული ნაწილი 9 სექტემბერს, ორფოლოს სასროლეთზე საჩვენებელი წვრთნებით დასრულდებააღნიშNულ ინფორმაციას საართველოს თავდაცვის სამნისტრო ავრცელებს ოფიცალური ფეისბუქის გვერდზე.

 

error: სტატიის დაკოპირება აკრძალულია!!!