დეკემბერი 6, 2022

Gmas.ge

ქართული სამხედრო ანალიტიკური პორტალი

მყვინთავმა, რომელიც ზღვის კიტრებს აგროვებდა, დაკარგული ატომური ბომბი იპოვა?

მყვინთავმა, რომელიც ზღვის კიტრებს აგროვებდა, დაკარგული ატომური ბომბი იპოვა?

9.11.2016

1478599558427416

მოყვარულმა დაივერმა შონ სმურჩინსკიმ, რომელიც ბრიტანეთის კოლუმბიის ნაპირებთან ზღვის კიტრებს ეძებდა, ოკეანის ფსკერზე მეტალის უცნაური საგანი აღმოაშჩინა. შონი დარწმუნებული იყო, რომ ეს ამოუცნობი მფრინავი აპარატია, თუმცა, მყვინთავის მიერ საგნის აღწერის შემდეგ, კანადის თავდაცვის სამინისტროს წარმომადგენლებმა გამოთქვეს მოსაზრება, რომ ეს ატომური ბომბია, რომელიც 1950 წელს ამერიკული ბომბდამშენის B-36 075-ს კატასტროფის დროს დაიკარგა.

სამინისტროში ამბობენ, რომ ამ ბომბში არ არის რადიოაქტიური ნივთიერებები, თუმცა მის გამოსაკვლევად სამხედრო გემები გააგზავნეს.შონის აღწერით მეტალის ნივთი დაახლოებით ორკაციანი საწოლის ზომისაა, მრგვალი და შუაში ნახვრეტი აქვს.დაკარგული ატომური ბომბის ისტორია დიდი ხანია სამხედრო ისტორიკოსებს აწუხებთ.

ეს ცივი ომის ერთერთი საიდუმლოა.ბომბდამშენი B-36 075 1950 წელს საცდელ ფრენას ასრულებდა. მისი მისია ატომური შეტევის სიმულირება იყო და მის ბორტზე რეალური ატომური ბომბი Mark 4 იყო. საცდელი ფრენის ამოცანა იყო შეემოწმებინა, გაუძლებდა თუ არა აღნიშნული თვითმფრინავი ბომბის წონას.ფრენის დაწყებიდან რამდენიმე საათის შემდეგ თვითმფრინავის მოტორს ცეცხლი გაუჩნდა და ოკეანეში ჩავარდა. ეკიპაჟის 17 წევრიდან 5 დაიღუპა.

ავიაკატასტროფიდან სამი წლის შემდეგ, თვითმფრინავის ნამსხვრევები ოკეანემ გამორიყა, თუმცა ბომბი აღმოჩენილი არ იყო და იგი დღემდე დაკარგულად ითვლება.როგორც ამერიკელი სამხედროები აცხადებდნენ, ბომბი არა პლუტონიუმით, არამედ ტყვიით იყო დატენილი და შესაბამისად მას ატომური აფეთქების გამოწვევა არ შეეძლო.არსებობენ სკეპტიკოსები, რომლებიც აცხადებენ, რომ შეუძლებელია ეს ის ბომბი იყოს, რადგან მისი ადგილმდებარეობა საკმაოდ მოშორებულია კატასტროფის ადგილს.

წყარო newposts.ge

 

error: სტატიის დაკოპირება აკრძალულია!!!