დეკემბერი 8, 2022

Gmas.ge

ქართული სამხედრო ანალიტიკური პორტალი

1812 წლის კახეთის აჯანყება

 1812 წლის კახეთის აჯანყება

11.02.2016

1898084_518087474972486_1087657007_n

რამოდენიმე საათში 5 თებერვალი გათენდება…

რამდენიმე საათში, გამთენიისას, 202 წელი შესრულდება 1812 წლის 5 თებერვლის იმ სუსხიანი დილიდან როცა ”ერთმორწმუნე მონღოლების” მიერ ათ წლიანი ტანჯვის, ჩაგვრის, დამცირების, ოჯახების შეურაცხყოფის და სულში ჩაფურთხების წინააღმდეგ ქიზიყელმა ხალხმა გაილაშქრა და მიუხედავად იმისა რომ თითოეულმა მათგანმა კარგად იცოდა, საბოლოო გამარჯვება, იმის მხარეს იყო ვინც იმავე წლის შემოდგომაზე 150,000 ფრანგს ბოროდინოს ბრძოლაში სულს აღაფვინებდა მაგრამ გაიბრძოლა!
გაიბრძოლა იმიტომ რომ სხვანაირად არ შეეძლო ქიზიყურ სულს!
ამ დღეს, ქიზიყელებმა, ალყა შემოარტყეს სიღნაღს და იერიშით აიღეს.
ჩაკეტილი იქნა თელავიდან და თბილისიდან მომავალი გზები.
მეორე დღეს, ბოდბისხევთან, ერთი პოლკი განადგურდა რუსის ჯარისა. იგივე განმეორდა ანაგაში!
10 თებერვალს ფშავ–ხევსურთა 1000 კაციანი რაზმი ჩაება ბრძოლაში და სამხრეთით იწყო სვლა.
მთიელებმა ერთმანეთის მიყოლებით დაამარცხეს დუშეთის და ფასანაურის გარნიზონები და ანანურს შემოარტყეს ალყა…

5 თებერვალს – ქიზიყელები უტევდნენ სიღნაღის სიმაგრეებს, მის განსათავისუფლებლად…
18 ოქტომბერს ისევ უტევდნენ სიღნაღის სიმაგრეებს, ამჯერად რუსები… ისევ დასაპყრობად…
24 ოქტომბერს მაღაროს მხრიდან მოადგნენ ქიზიყს მოსაოხრებლად. ორივეგან მტკიცედ იდგნენ ქიზიყელები!
1813 წლის 4 მარტის დაეცა თიანეთი…
მარტის შუა რიცხვებში დაეცა სიღნაღიც…
რუსებმა, ბრძოლის შემდეგ ადგილზე ჩამოახრჩეს შეპყრობილთაგან 8 კაცი.
დააპატიმრეს 62.
29 კაცს მიესაჯა სამუდამო კატორღა ციმბირის მაღაროებში. 31 ჯარისკაცად განამწესეს რუსეთის ჩრდილო აღმოსავლეთში.
მსჯავრდებული ორი ქალი ურალის ერთერთ მონასტერში მონაზვნად აღკვეცეს.

იმ 1000 მთიელიდან დაწყებული, დღემდე, თუშ გიორგი ანწუხელიძემდე.
იმ ქიზიყელებით დაწყებული, დღემდე, გოგა აბრამიშვილამდე. ღმერთმა გაანათლოს ყველა იმ ქართველის სული ვინც ჩვენი ქვეყნის თავისუფლებას, ჩვენი სამშობლოს უკეთეს მომავალს შეეწირა…

error: სტატიის დაკოპირება აკრძალულია!!!