სირიაში ისლამისტმა მებრძოლებმა ამერკული tow-ტიპის ტანკსაწინაღმდეგო მართავადი რაკეტით რუსული ტ-90 ტიპის ტანკი დააზიანეს.(ვიდეო)
სირიაში ისლამისტმა მებრძოლებმა ამერკული tow-ტიპის ტანკსაწინააღმდეგო მართავადი რაკეტით რუსული T-90 ტიპის ტანკი დააზიანეს.(ვიდეო)
28.02.2016.
სირიელმა მეამბოხეებმა ცოტა ხნის წინ გაავრცელეს ვიდეო, რომელშიც ისინი რუსულ ტანკს T-90 ამერიკულ ტანკსაწინააღმდეგო TOW რაკეტას უპირისპირებენ. როგორც Washington Post წერს, ვიდეო სავარაუდოდ ალეპოს ჩრდილოდასავლეთით არის გადაღებული.
ვიდეოში მეამბოხეები, რუსეთის უახლესი სერიული წარმოების ტანკს – BGM-71, TOW-ს რაკეტას ესვრიან, რაც საკმაოდ მოძველებული, სადენით მართვადი რაკეტაა. ამ შეიარაღებას აშშ სირიელი მეამბოხეების იმ ნაწილს აწვდის, რომელიც ცენტრალურმა სადაზვერვო სააგენტომ გაწვრთნა.
Washington Post-ის სტატიის მიხედვით ვიდეო მნიშვნელოვანია იმიტომ, რომ ძალიან ცოტა მასალა არსებობს რუსული და ამერიკული სამხედრო ტექნიკის ერთმანეთთან დაპირისპირებისა. ჯერჯერობით უცნობია T-90-ს რუსული ეკიპაჟი მართავდა თუ სირიელები.
ვიდეოში რაკეტა ტანკის კოშკურას ხვდება. როგორც ცნობილია, T-90-ს აქვს მოწყობილობა „შტორა“, რომელმაც უნდა შეაჩეროს სადენით მართვადი რაკეტა. როგრც ჩანს, სისტემამ არ იმუშავა და რაკეტა მაინც მოხვდა მიზანს. მიუხედავად ამისა, ვიდეოში ასევე ჩანს, რომ ეკიპაჟი ტანკს ტოვებს, რაც მიანიშნებს იმაზე, რომ რაკეტამ ვერ შეძლო ჯავშნის გახვრეტა. რუსულ ტანკებს აქვთ რეაქტიული ჯავშანი, რომელმაც გადაარჩინა ეკიპაჟი. ამ ჯავშნით არაერთი ტანკია აღჭურვილი და მხოლოდ T-90-სთვის არ არის განკუთვნილი, თუმცა სავარაუდოდ, რუსული T-90 მისი უფრო თანამედროვე ვერსიით არის აღჭურვილი.
