დეკემბერი 9, 2022

Gmas.ge

ქართული სამხედრო ანალიტიკური პორტალი

ისინი იცავდნენ საქართველოს 1921 წელს! მაიორი დიმიტრი ჩრდილელი. 1921 წელს თბილისის დაცვის დროს მეთაურობდა საარტილერიო ბატარეას.

21 თებერვალს გაგზავნილ იქნა ტაბახმელას პოზიციებზე და იქ სამხედრო სკოლასთან ერთად იბრძოდა 25 თებერვლამდე. 
რეზო გაბაშვილი იგონებადა – „მივედი ფრონტზედ (ტაბახმელაში). ბრტყელ ბექობზე იდგა ოთხი პატარა, სამთო ზარბაზანი. დახატულივით ლამაზი ვაჟკაცი ოფიცერი ჩრდილელი ბრძანებლობდა ამ ბატარეას”… ოკუპაციის შემდეგ დიმიტრი ჩრდილელი საქართევლოში დარჩა. ის დააპატიმრეს სხვებთან ერთად 1923 წელს.
პოლკოვნიკ გიორგი ხიმშიაშვილის ძმა, ალექსანდრე, რომელიც იმავე საპატიმროში იმყოფებოდა, იხსენებს – „18 თუ 19 მაისს გამოჩნდა კაპიტანი მიტო ჩრდილელი, გამხდარი – ხალათის გასწორებით, დადგა ჩემი საკნის კარების წინ გაუბედავად. შემდეგ მტკიცე გადაწყვეტილების მიღებით, სწრაფად მობრუნდა და აღელვებული ხმით ხმამაღლა წამოიძახა: „უთხარი მათ, რომ მე დამხვრიტეს. ვკვდები, როგორც შეშვენის ნამდვილ ქართველს“.
დიმიტრი ჩრდილელი დახვრიტეს სხვებთან ერთად 20 მაისს დღევანდელი ვაკის პარკის ტერიტორიაზე. თუმცა არსებობს სხვა ცნობაც, რომლის თანახმადაც დიმიტრი ჩრდილელი ცოცხლა
დ დამარხეს.
error: სტატიის დაკოპირება აკრძალულია!!!