აგვისტო 15, 2022

Gmas.ge

ქართული სამხედრო ანალიტიკური პორტალი

მანჩესტერის ტერაქტი: უსახლკარო , რომელიც თავგანწირვისა და გმირობის სიმბოლოდ იქცა

მანჩესტერის ტერაქტი: უსახლკარო , რომელიც თავგანწირვისა და გმირობის სიმბოლოდ იქცა

24.05.2017.

1495640754137484

მანჩესტერ არენაზე მომხდარი ტერაქტი უკვე შეფასდა ახალგაზრდების, მომავალი თაობის წინააღმდეგ განხორციელებულ ბარბაროსულ ქმედებად.

სოციალურ ქსელში ბევრი შემზარავი ფოტო თუ ისტორია გავრცელდა. გავიგეთ, როგორ დაკარგა დედამ 8 წლის გოგონა აფეთქების შედეგად გამოწვეული პანიკის შემდეგ, მოგვიანებით კი გარდაცვლილი იპოვეს… როგორ დაიღუპა სამი შვილის დედა…

თუმცა, დღეს , გიყვებით ადამიანზე რომელმაც სხვების გადასარჩენად, საკუთარი სიცოცხლე საფრთხეეში ჩააგდო და გმირობის მაგალითად იქცა.

33 წლის კრის პარკერი, რომელიც ბოლო ერთი წლის განმავლობაში უსახლკაროა და მანჩესტერის ქუჩებში ცხოვრობს, თავგანწირვისა და გამბედაობის სიმბოლო გახდა.

მანჩესტერ არენაზე მომხდარი ტერორისტული აქტისას, კრისი არენის მიმდებარე ტერიტორიაზე იყო, რადგან „ ხალხმრავლობის გამო მოწყალების სათხოვნელად კარგი ადგილი იყო.“

მაშინ, როდესაც აფეთქების ხმა გაისმა, არენიდან კი შეშინებული და დასისხლიანებული ხალხი გამორბოდა, ნაცვლად იმისა, რომ მას საკუთარ უსაფრთხოებაზე ეზრუნა და შემთხვევის ადგილს გარიდებოდა, დაშავებულთა დასახმარებლად გაემართა.

აფეთქების ძალამ კრისი წააქცია, თუმცა მალევე წამოდგა.

დაჭრილ გოგონას ფეხიდან ლურსმანი ამოაცალა, მეორე ბავშვი ხელში აიტაცა და ხალხის მასას მოაშორა. შემდეგ გოგონას დამშვიდება სცადა, რომელმაც აფეთქებისას ფეხი დაკარგა, მაისური გაიხადა და ფეხი შეუხვია. ქალის გადარჩენა სცადა, თუმცა მკლავებში ჩააკვდა. გარდაცვლილი ქალი დიდხანს ჰყავდა ჩახუტებული.

მას შემდეგ, რაც თვითერის მომხარებლები “უსახლკარო ბიჭის გმირობაზე” წერდნენ, მედია მისით დაინტერესდა და მალევე იპოვა. ჟურნალისტებთან საუბრისას, კრისმა განაცხადა, რომ ძალიან აკვირვებს, რატომ გახდა მისი საქციელი ამგავრი ყურადღების ღირსი.

„რადგან უსახლკარო ვარ, იმას არ ნიშნავს, რომ გული არ მაქვს , რომ ადამიანი არ ვარ. მჯერა, მე რომ დამხმარება დამჭორვებოდა, ვიღაც აუცილებლად მოვიდა და დამეხმარებოდა… იქ ბავშვები იყვნენ… ძალიან ბევრი ბავშვი, დასისხლიანებულები… ტიროდნენ და გაურკვეველი მიმართულებით გარბოდნენ“ – განუცხადა კრისმა Press Association-ს.

მას შემდეგ რა უსახლკარო კრისის გმირობის შესახებ მედიამ დაწერა, მის დასახმარებლად ონლაინ გვერდი შეიქმნა. ამ დროისთვის კრისისთვის 40 000 დოლარამდე შეგროვდა.

მანჩესტერ არენაზე ტერაქტი პოპ მომღერალ არიანა გრანდეს კონცერტზე მოხდა, რასაც 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 119-ს შეადგენს. კონცერტზე დამსწრეთა უმრავლესობას სწორედ ბავშვები შეადგენდნენ.

თავდამსხმელი, რომელმაც მანჩესტერ არენაზე, თავი აიფეთქა, წარმოშობით ლიბიელი, 23 წლის ბრიტანელი, სალმან აბედია, რომელიც როგორც გაირკვა, ბოლო დროს ლიბიასა და სირიაში ხშირად მოგზაურობდა.

აფეთქება მაშინ მოხდა, როდესაც კონცერტი დასრულდა და ხალხი გასასვლელისკენ მიემართებოდა.

თავდასხმაზე პასუხისმგებლობა , რადიკალურმა ისლამისტურმა დაჯგუფება “ისლამურმა სახელმწიფომ” აიღო

წყარო: საინფორმაციო სააგენტო newposts.ge

 

 

error: სტატიის დაკოპირება აკრძალულია!!!