სამხედრო ხომალდ „ჯონ მაკკეინის“ დაკარგული მეზღვაურების ცხედრები იპოვეს

ამერიკული სარაკეტო საესკადრო ნაღმოსნის ,,ჯონ მაკკეინის” რამდენიმე დაკარგული მეზღვაურის ცხედრები ხომალდის ერთ-ერთ ნაკვეთურში იპოვეს. ამის შესახებ ჟურნალისტებს აშშ-ს სამხედრო-საზღვაო ძალების წყნარი ოკეანის ფლოტის მეთაურმა ადმირალმა სკოტ სვიფტმა აცნობა.

მას არ დაუზუსტებია, რამდენი ცხედარია ნაპოვნი, მაგრამ აღნიშნა, რომ საძიებო- სამაშველო სამუშაოები გრძელდება.

20 აგვისტოს საესკადრო ნაღმოსანი მალაკის სრუტეში ნავთობის ტანკერს შეეჯახა, რის შედეგად 5 მეზღვაური დაშავდა, კიდევ 10 დაკარგულად გამოცხადდა.ამჟამად ხომალდი სინგაპურის პორტში დგას.

წყარო: info9.ge