დეკემბერი 8, 2022

Gmas.ge

ქართული სამხედრო ანალიტიკური პორტალი

საქართველოს თავდაცვის სამინისტროს ინფორმაცია

საქართველოს თავდაცვის სამინისტროს ინფორმაცია

ნატო-საქართველოს  წვრთნის და შეფასების ერთობლივი ცენტრი (JTEC)

18195145_1572317819467621_8549446104113861304_n

ნატო-საქართველოს  წვრთნისა და შეფასების ერთობლივი ცენტრი (JTEC) 2014 წელს უელსის სამიტზე საქართველოსთვის მინიჭებულ ნატო-საქართველოს არსებითი პაკეტის (SNGP)  ფარგლებში შეიქმნა. პროექტში ჩართულია ნატოს წევრი 9 ქვეყანა – დანია, ფინეთი, ლატვია, ლიტვა, ნორვეგია, ესპანეთი, შვედეთი, დიდი ბრიტანეთი და ამერიკის შეერთებული შტატები. 

JTEC ნატო-საქართველოს არსებითი პაკეტის (SNGP) 15 პროექტიდან ერთ-ერთი მნიშვნელოვანი და ყველაზე ამბიციური პროექტია. JTEC-ის წვრთნები დაფუძნებულია თანამედროვე მომზადების სტანდარტებზე და უპრეცენდენტოა სამხრეთ კავკასიის რეგიონისთვის. ცენტრი პასუხისმგებელია სწავლების დაგეგმვაზე, ორგანიზებასა და შეფასებაზე. JTEC საველე, ვირტუალურ და კონსტრუქციულ სასწავლო შესაძლებლობებს უზრუნველყოფს, როგორც საქართველოს და ნატოს წევრი, ასევე პარტნიორი ქვეყნების შეიარაღებული ძალებისათვის.

ნატოს სწრაფი რეაგირების ძალები  (NRF)

საქართველოს შეიარაღებული ძალების I ქვეითი ბრიგადის მე-12 ბატალიონის „ალფა“ ასეული ნატოს სწრაფი რეაგირების ძალებს (NRF) 2015 წლის სექტემბრიდან შეუერთდა. საქართველო    სწრაფი რეაგირების ძალებში,  ნატოს არაწევრი მეოთხე ქვეყანაა.

ასეულმა სწავლებები გაიარა როგორც საქართველოში, ასევე გერმანიაში. 2016 წლის 23 მაისს ასეულმა ნატოს შეფასების პროცესი წარმატებით დაასრულა. ნატოს ექსპერტების შეფასებით, ასეული ნატოს სტანდარტების შესაბამისადაა მომზადებული და მზად არის   ნატოს ფარგლებში მიმდინარე ყველა ოპერაციაში მიიღოს მონაწილეობა.

გიორგი კვინიტაძის სახელობის კადეტთა სამხედრო ლიცეუმი

საქართველოს თავდაცვის სამინისტროს გენერალ გიორგი კვინიტაძის სახელობის კადეტთა სამხედრო ლიცეუმი რეგიონში ერთადერთი ავტორიზებული სასწავლო დაწესებულება, რომელიც სამხედრო მომზადებასა და საშუალო საფეხურზე  ზოგადი განათლების მიღებას უზრუნველყოფს. ლიცეუმის კურსდამთავრებულები კონკურენტუნარიანი არიან საგანმანათლებლო სივრცის ნებისმიერ სეგმენტში. კურსდამთავრებულთა უმრავლესობა წარმატებით განაგრძობს სწავლას როგორც საქართველოს, ასევე აშშ-სა და თურქეთის სამხედრო აკადემიებში. აქ ვაჟებთან ერთად გოგონებსაც შეუძლიათ სწავლა – ეს არის უპრეცენდენტო შემთხვევა ამიერკავკასიის სამხედრო სასწავლებლების არსებობის განმავლობაში.

 დავით აღმაშენებლის სახელობის საქართველოს ეროვნული თავდაცვის აკადემია

დავით აღმაშენებლის სახელობის საქართველოს ეროვნული თავდაცვის აკადემია უმაღლეს სამხედრო სასწავლებელია, სადაც წარმატებით ფუნქციონირებს საბაკალავრო სკოლა, სამეთაურო-საშტაბო კოლეჯი, უმცროს ოფიცერთა სკოლა, ენობრივი მომზადების სკოლა და სამაგისტრო პროგრამა. აკადემია საქართველოს შეიარაღებული ძალებისა და ქვეყნის ერთგული, უმაღლესი განათლებისა და ლიდერის თვისებების მქონე ოფიცერთა კორპუსის ჩამოყალიბებას ემსახურება. 2014 წლიდან, აკადემიის მსმენელებს, 1921 წელს საქართველოს დამოუკიდებლობისათვის ბრძოლაში გმირულად დაღუპული იუნკერების ხსოვნის პატივსაცემად, ისტორიული სახელი „იუნკერი“ დაუბრუნდათ.

საქართველოს თავდაცვის მზადყოფნის პროგრამა GDRP

სახმელეთო ჯარების აღმოსავლეთ სარდლობის მე-4 მექანიზირებული ბრიგადის 43-ე ბატალიონი პირველი ქართული ქვედანაყოფია, რომელიც მომზადებას საქართველოს თავდაცვის მზადყოფნის პროგრამით გაივლის. 2016 წლის დეკემბერში საქართველოს თავდაცვის სამინისტროსა და აშშ-ის თავდაცვის დეპარტამენტს შორის უსაფრთხოების სფეროში 2016-2019 წლებისთვის ჩარჩო ხელშეკრულება გაფორმდა, რომლის  ერთ-ერთ მთავარ კომპონენტს საქართველოს თავდაცვის მზადყოფნის პროგრამის განხორციელება წარმოადგენს. ჩვენს მთავარ სტრატეგიულ პარტნიორთან – აშშ-სთან ერთად საქართველოს თავდაცვის მზადყოფნის პროგრამის (GDRP) ფარგლებში  მნიშვნელოვანი პროექტის განხორციელებას იგეგმება. ვაზიანში, წელს გერმანიის ჰოჰენფელსის ბაზის ანალოგი  საწვრთნელი ინფრასტრუქტურა აშენდება. საქართველოს თავდაცვის მზადყოფნის პროგრამის შესაბამისად, ამერიკელი და ქართველი ინსტრუქტორების მიერ განხორციელდება ქართული ბატალიონების მომზადება.

ავიაციისა და საჰაერო თავდაცვის სარდლობა

ავიაციისა და საჰაერო თავდაცვის სარდლობა, რომელიც ჩამოყალიბდა გასული საუკუნის 90-იან წლებში, წარმოდგენილია განახლებული შემადგენლობით და აერთიანებს ორ სახეობას ავიაციას და საჰაერო თავდაცვას.

 

 

error: სტატიის დაკოპირება აკრძალულია!!!