საქართველოს თავდაცვის მინისტრისა და გენერალური შტაბის უფროსის ვიზიტი ავღანეთში

საქართველოს თავდაცვის მინისტრისა და გენერალური შტაბის უფროსის ვიზიტი ავღანეთში

14.08.2017

20729682_1684730481559687_3134188267984879672_n

საქართველოს თავდაცვის მინისტრი ავღანეთშია. ლევან იზორია გენშტაბის უფროსთან ერთად 3 აგვისტოს ბაგრამის საავიაციო ბაზასთან თავდასხმის შედეგად დაღუპული მდინარი ბებიაშვილის თანამებრძოლებს შეხვდა. თავდასხმის შედეგად მსუბუქად დაშავებულ ორ სამხედრო მოსამსახურეს, კაპრალებს გელა ხელაძეს და გოდერძი ხარშილაძეს თავდაცვის მინისტრმა მედლები „საბრძოლო იარისთვის“ გადასცა.  ბაგრამის საავიაციო ბაზაზე მყოფ მეორე ქვეითი ბრიგადის 23-ე ბატალიონის  ქართველ სამხედროებს თავდაცვის მინისტრი პირადად გაესაუბრა, მომხდარი ფაქტის გამო მწუხარება კიდევ ერთხელ გამოთქვა და ქართველ სამხედროებს თანადგომა გამოუცხადა.  ავღანეთში თავდაცვის მინისტრის ვიზიტის ფარგლებში ლევან იზორია „მტკიცე მხარდაჭერის“ მისიის მეტაურს გენერალ ჯონ ნიკოლსონს და გენერალ მურად სელჩუკს შეხვდა. გენერლებმა ავღანეთის სამშვიდობო მისიაში ქართველი სამხედროების წვლილი კიდევ ერთხელ აღნიშნეს და დაღუპული ქართველი სამხედროს გამო საქართველოს თანადგომა კიდევ ერთხელ გამოუცხადეს.
გენერალ ჯონ ნიკოლსონის განცხადებით ქართველი ჯარისკაცები მაღალი პროფესიონალიზმით გამოირჩევიან და სამაგალითოები არიან, მათ შორის ნატოს წევრი ქვეყნების სამხედროებს შორის.
მოგვიანებით უწყების ხელმძღვანელმა პირებმა II ქვეითი ბრიგადის 23-ე ბატალიონის მშვიდობისმყოფელები, II ქვეითი ბრიგადის 23-ე ბატალიონის  მეთაურმა, ვიცე-პოლკოვნიკმა ბექა ამბროლაძემ კი, თავდაცვის მინისტრს და გენერალური შტაბის უფროსს ბატალიონის სახელით საჩუქრები გადასცა.
დღის ბოლოს თავდაცვის უწყების ხელმძღვანელმა პირებმა ბაგრამის საავიაციო ბაზაზე დისლოცირებულ ქართველ მშვიდობისმყოფელებთან ერთად  წმინდა გიორგის სახელობის სამლოცველოში გადაინაცვლეს, სადაც ისინი 23-ე ბატალიონის  კაპელანმა, მამა ზაზა სესიაშვილმა დალოცა.

20768080_1684730544893014_6569553102334608698_n20729654_1684730588226343_1026406063917114081_n20770147_1684730488226353_4981650943302921979_n20769986_1684730518226350_4987366965875650600_n

error: სტატიის დაკოპირება აკრძალულია!!!