დელტას“ ახალი ჯავშანჟილეტები

Read Time:25 Second

„დელტას“ ახალი ჯავშანჟილეტები

25.04.2018

თავდაცვის სამინიტროს მიერ სამხედრო სამეცნიერო ცენტრ დელტასთვის შეკვეთილი 5 მილიონ ლარამდე საერთო ღირებულების ინდივიდუალური დაცვის საშუალებების დამზადებისა და მიწოდების ეტაპი წარმატებით შესრულდა. საქართველოს შეიარაღებული ძალები 2018 წლის განმავლობაში რამდენიმე ათას კომპლექტ ქართული წარმოების ინდივიდუალური დაცვის საშუალებებს მიიღებს, რომელთა ტექნიკური მონაცემები მორგებულია როგორც საქართველოს შეიარაღებული ძალების ისე საერთაშორისო სტანდარტებს. მიმდინარე პროექტის ფარგლებში შეიარაღებულ ძალებს მიეწოდება დელტას წარმოებული საერთო საჯარისო დანიშნულების ჯავშანჟილეტი და ჩაფხუტი. ინდივიდუალური დაცვის საშუალებების დამზადების ტექნოლოგია ნატოს ქვეყნებში მიღებული სტანდარტების და პროცედურების დაცვით ხორციელდება.