თავდაცვის უწყების წარმომადგენლები „თბილისის ფოტო ფესტივალის“ გახსნას დაესწრნენ
თავდაცვის უწყების წარმომადგენლები „თბილისის ფოტო ფესტივალის“ გახსნას დაესწრნენ
საქართველოს შეიარაღებული ძალების გენერალური შტაბის უფროსის მოადგილე, ბრიგადის გენერალი შალვა ჯაბახიძე და თავდაცვის უწყების წარმომადგენლები „თბილისის ფოტო ფესტივალის“ გახსნას დაესწრნენ. ღონისძიებაზე წარმოდგენილი იყო მასშტაბური მულტიმედიური პროექტი, რომელიც 2008 წლის რუსეთ-საქართველოს ომის შედეგებს ასახავს.
საგამოფენო სივრცეში გაიმართა ცნობილი ფრანგი არტისტის კრისტიან ბარანის მიერ საოკუპაციო ზოლთან გადაღებული დოკუმენტური ფილმის მრავალეკრანიანი ინსტალაცია, ასევე გამოიფინა მსოფლიოს იმ 10 წამყვანი ფოტოგრაფის დოკუმენტური ნამუშევრები, რომლებმაც 2008 წლის აგვისტოში რუსეთ-საქართველოს ომის ქრონიკა შექმნეს. ღონისძიების სტუმრები, უცხოელი ფოტოგრაფების ნამუშევრებთან ერთად, ოკუპაციის თემაზე ქართველი ავტორების ნამუშევრებსაც გაეცნენ.
