დუშეთის მუნიციპალიტეტის საკრებულომ, დუშეთში ერთ-ერთ ქუჩას 1993 წლის 2 ივლისს ლაბრაში რუსულ საზღვაო დესანტთან ბრძოლაში დაღუპული დუშეთის ბატალიონის მებრძოლის ოთარ ბურდულის სახელი მიანიჭა. - Gmas.ge

დუშეთის მუნიციპალიტეტის საკრებულომ, დუშეთში ერთ-ერთ ქუჩას 1993 წლის 2 ივლისს ლაბრაში რუსულ საზღვაო დესანტთან ბრძოლაში დაღუპული დუშეთის ბატალიონის მებრძოლის ოთარ ბურდულის სახელი მიანიჭა.

დუშეთის მუნიციპალიტეტის საკრებულომ, დუშეთში ერთ-ერთ ქუჩას 1993 წლის 2 ივლისს ლაბრაში რუსულ საზღვაო დესანტთან ბრძოლაში  დაღუპული დუშეთის ბატალიონის მებრძოლის ოთარ ბურდულის სახელი მიანიჭა.

ფოტოზე ოთარ ბურდული

დუშეთის მუნიციპალიტეტის საკრებულომ  2018 წლის 21 ნოემბერს გამართულ სხდომაზე მიიღო N40 განკარგულება „ქალაქ დუშეთში, ქეთევან წამებულის ქუჩის მეორე შესახვევის სტატუსის შეცვლისა და სახელის მინიჭების შესახებ.

აღნიშნული განკარგულების თანახმად: ქალაქ დუშეთში, ქეთევან წამებულის ქუჩის მეორე შესახვევს შეეცვალა სტატუსი, ჩამოყალიბდა დამოუკიდებელ ქუჩად და მიენიჭა საქართველოს ტერიტორიული მთლიანობის, თავისუფლებისა და დამოუკიდებლობისათვის  აფხაზეთში საბრძოლო მოქმედების დროს დაღუპული დუშეთის სწრაფი რეგირების ბატალიონის მებრძოლის – ოთარ ბურდულის სახელი.

დუშეთის მუნიციპალიტეტის საკრებულოს, ქუჩისთვის აფხაზეთის ომში დაღუპული დუშეთის ბატალიონის მებრძოლის ოთარ ბურდულის სახელის მინიჭების შესახებ 2014-2017 წ მოწევევის საკრებულოს წევრმა გიორგი კობიაშვილმა მიმართა.

საკრებულოს წევრის ინიციატივამ დუშეთის მუნიციპალიტეტის საკრებულოში და საქართველოს რეგიონული განვითარებისა და ინფრასტრუქტურის სამინისტროს გეოგრაფიული ობიექტების სახელწოდებათა დადგენის, ნორმალიზების, გამოყენების, რეგისტრაციის, აღრიცხვისა და დაცვის მიზნით, გეოგრაფიული ობიექტების სახელწოდებათა სფეროში მოქმედი სამთავრობო კომისიაში კანომდებლობით გათვალისწინებული პროცედურები გაიარა.

ოთარ  ბურდულმა სამხედრო სავალდებულო სამსახური საბჭოთა კავშირის შეიარაღებულ ძალებში გაიარა.

ოთარი ბურდული 1993 წლის ივნისში მოხალისედ ჩაეწერა საქართველოს თავდაცვის სამინისტროს დუშეთის სწრაფი რეაგირების ბატლიონის შემდგენლობაში. ბატალიონის დისლოკაციის ადგილი ქალაქ დუშეთში ყოფილი რუსული სამხედრო ბაზის ტერიტორია იყო. ბატალიონის ჩანასახმა საქართველოს ტერიტორიული მთლიანობისათვის დაცვის ბრძოლებში მონაწილეობა ჯერ კიდევ 1992 წელს  სამაჩაბლოს ომში მიიღო.

დუშეთის სწრაფი რეაგირების ბატლიონი აფხაზეთის ომში  1993 წლის გაზაფხულიდან ჩაერთო.

დუშეთის ბატალიონი ოჩამჩირის რაიონში  იქნა გადასროლილი. დუშეთის ბატალიონის ქვედანაყოფები სხვა ქართულ შენაერთებთან ერთად იცავდნენ  ოჩამჩირის რაიონის სოფლებს ტყვარჩელში გამაგრებული აფხაზური ფორმირებებისგან.

ოჩამჩირის რაიონში აფხაზური დაჯგუფებები პარტიზანულ ბრძოლებს აწარმოებდნენ ქართული არმიის საჯარისო ნაწილებთან.

1993 წლის 25 ივნისს  დასვენების შემედეგ დუშეთის ბატალიონი კვლავ აფხაზეთში გაემგზავრა.

დუშეთის ბატალიონის ქვედანაყოფებმა ოჩამჩირის რაიონის სოფელ ლაბრაში დაიკავეს საბრძოლო პოზიციები ხოლო შტაბი სოფლ ტამისში იყო  განათავსებული.

1993 წლის 2 ივლისს გამთენისას დილის 5 საათზე  რუსმა სამხედროებმა რუსეთის შავი ზღვის ფლოტის სადესანტო კატარღებით მოულოდნელად ოჩამჩირის რაიონის დაბა ტამიშთან სანაპირო ზოლზე  500 კაციანი საზღავო დესანტი გადმოსხეს. დესანტის ამოცანას  ოჩამჩირის რაიონში მდებარე სტრატეგიული მნიშვნელობის სიმაღლის ანუ-არხუს აღება და სოხუმ-ოჩამჩირის დამაკავშირებელი ცენტრალური ავტომაგისტრალის გადაკეტვა წარმოადგენდა რის შემდეგ სოხუმზე ფარტომაშტაბიანი შეტევა იგეგმებოდა.

რუსული საზღავო დესანტის პირველი  დარტყმა ტამისში განლაგებულმა ნაწილებმა მიიღეს.

ოთარ ბურდული 1993 წლის 2 ივლისს ოჩამჩირის რაიონის სოფელ ლაბრაში  რუსული საზღავო დესანტთან ბრძოლის შემდეგ უგზოუკლოდ დაიკარგა.მას მეუღლე და ორი შვილი დარჩა.

აღსანიშნავი რომ დუშეთში ოთარი ბურდულის სახელი იმ ქუჩას მიენიჭა სადაც გმირი დაიბადა და ცხოვრობდა.

აქვე იხილეთ

 

ანალიტიკოსი

shares