აგვისტო 7, 2022

Gmas.ge

ქართული სამხედრო ანალიტიკური პორტალი

იენს სტოლტენბერგი – ნატო საქართველოს მხარდაჭერას გააძლიერებს

ნატო საქართველოს მხარდაჭერას გააძლიერებს, – ეს განცხადება ჩრდილოატლანტიკური ალიანსის გენერალურმა მდივანმა, იენს სტოლტენბერგმა დღეს გამართულ პრესკონფერენციაზე გააკეთა.

მან ისაუბრა იმ ღონისძიებებზე, რომელიც ამ კვირაში ნატო-ს დაფუძნების 70 წლის იუბილესთან დაკავშირებით ვაშინგტონშია დაგეგმილი.

სტოლტენბერგის თქმით, 3 აპრილს ნატო-ს 29 წევრი სახელმწიფოს საგარეო საქმეთა მინისტრი აშშ-ის კონგრესში დაგეგმილ სესიას დაესწრება, რომელზეც ის სიტყვით წარდგება.

მისივე განცხადებით, ხუთშაბათს მოკავშირეები იმსჯელებენ რუსეთზეც და ამ კონტექსტში ნატო გააძლიერებს საქართველოს მხარდაჭერას.

„ნატო შეშფოთებულია რუსეთის აგრესიული ქცევით, მათ შორის უკრაინის წინააღმდეგ, რაც ამ დრომდე გრძელდება, ასევე აზოვის ზღვაში უკრაინელი მეზღვაურებისა და გემების დაკავების გამო. ნატო-მ უკვე გააფართოვა წარმომადგენლობა შავ ზღვაში. ჩვენ ვაგრძელებთ მუშაობას ჩვენს პარტნიორებთან რეგიონში. გასულ კვირას, თავად გახლდით და ვიხილე „ნატო-საქართველოს სწავლება“. დღეს ნატო-ს გემები არიან უკრაინასა და საქართველოში. ეს გემები ჩაერთვებიან სწავლებაში სახელწოდებით „ზღვის ფარი“, რომელიც შავ ზღვაში გაიმართება. ველოდები, რომ ნატო-ს წევრი ქვეყნების მინისტრები შეათანხმებენ ახალ ზომებს და რეგიონში არსებული სიტუაციის შესახებ ჩვენ უფრო მეტი ინფორმაცია გვექნება. ასევე გაძლიერდება საქართველოს და უკრაინის მხარდაჭერა, ისეთ სფეროებში, როგორიცაა საზღვაო ძალებისა და სანაპირო დაცვის სამსახურის წვრთნები, ვიზიტები პორტებში და სწავლებები, ასევე ინფორმაციის გაცვლა“, – განაცხადა იენს სტოლტენბერგმა.

წყარო:1tv.ge ავტორი – ლევან ახალაია

error: სტატიის დაკოპირება აკრძალულია!!!