სკანდალი აფხაზეთში - ვინ გამოაკრა ქართველი ჯარისკაცების ფოტო სოხუმის ცენტრში - Gmas.ge

სკანდალი აფხაზეთში – ვინ გამოაკრა ქართველი ჯარისკაცების ფოტო სოხუმის ცენტრში

სკანდალი აფხაზეთში – ვინ გამოაკრა ქართველი ჯარისკაცების ფოტო სოხუმის ცენტრში

სოხუმის ცენტრში, „დიდების პარკთან” განლაგებული ბანერი აფხაზურ საზოგადოებაში სერიოზული ვნებათაღელვისა და სკანდალის მიზეზი გახდა. ბანერი, რომელიც აფხაზეთის ომის ფოტოკოლაჟს წარმოადგენს, სეპარატისტებმა „გამარჯვების დღის” აღსანიშნავად გამოფინეს. მოგვიანებით გაირკვა, რომ კოლაჟში ქართველი ჯარისკაცების ერთი ფოტო გაპარვოდათ.

ეს ფაქტი პირველად აფხაზურმა მედიამ აღმოაჩინა. მედია-კლუპმა „აფსნი იაჰიამ” ამას ვრცელი პუბლიკაციაც მიუძღვნა სათაურით „ხელისუფლებამ აფხაზ ხალხს ქართული ტანკით მიულოცა”. მასში ნათქვამია, რომნერის ქვედა მარჯვენა ფოტოზე გამოსახული არიან ქართველი ტანკისტები, ეროვნული გვარდიის წევრები, თავად ფოტო კი აფხაზეთის ომის პირველ დღეებში გადაიღო სოხუმში მყოფმა რუსული სააგენტო „ტასის” ფოტოკორესპონდენტმა.

ამან აფხაზურ საზოგადოებაში აღშფოთება გამოიწვია. ყველაფერი იმით დასრულდა, რომ ომის ერთ-ერთმა ვეტერანმა, ვინმე ნუგზარ კვიცინიამ ორშაბათს ბანერი საკუთარი ხელით ჩამოხია. გამოცემა „აფსადგილი” წერს, რომ იგი ამისთვის საგანგებოდ ჩამოვიდა სოფელ ატარადან.

„ჩვენი ძმები, რომლებიც სამშობლოს დაცვის დროს დაიღუპნენ, აქ დიდების პარკში არიან დაკრძალულნი და ამ პარკის გვერდით კი ჩვენი მტრების ფოტოა ჩამოკიდებული, რომლებმაც ისინი დახოცეს. არ შემეძლო არ მოვსულიყავი პარკში, როდესაც პუბლიკაცია ვნახე”, – განაცხადა ნუგზარ კვიცინიამ.

აფხაზური მედია კი წერს, რომ ეს პირველი შემთხვევა არ არის, როდესაც ქართველი ჯარისკაცების ფოტოს თავად აფხაზეთში შეცდომით აფხაზი ჯარისკაცების ფოტოდ ასაღებენ. იმავე „აფსადგილს” ამის მაგალითად მოჰყავს შარშანდელი ინციდენტი, როდესც პოლიტიკურმა პარტია „აფსნიმ” თანამოქალაქეებს „სამამულო ომში გამარჯვების” 25-ე წლისთავი ქართველი ტანკისტების სწორედ ამ ფოტოთი მიულოცა.

ანალიტიკოსი

shares
error: სტატიის დაკოპირება აკრძალულია!!!