მასშტაბური საარტილერიო სწავლება Dynamic Front 19
მიმდინარე წლის 2 დან 9 მარტამდე, გერმანიის, პოლონეთისა და ლატვიის პოლიგონებზე ევროპაში ყველაზე მასშტაბური საარტილერიო სწავლება Dynamic Front 19 გაიმართა, რომელშიც NATO-ს წევრი და პარტნიორი 27 ქვეყანა მონაწილეობდა. სწავლებაზე მიზიდული იყო 100 ერთეულზე მეტი საარტილერიო დანადგარი და 3200 არტილერისტი, მათ შორის საქართველოს თავდაცვის ძალების საარტილერიო ქვედანაყოფების 120 მმ კალიბრიანი ნაღმმტყორცნელთა ბატარეები.
გერმანიაში მდებარე გრაფენვერის სამხედრო პოლიგონზე მიმდინარე სწავლებაში ჩართული ქართველი არტილერისტები სახელმწიფო სამხედრო სამეცნიერო ტექნიკურ ცენტრ “დელტას” მიერ შემუშავებული და წარმოებული ქართული ჯავშანჟილეტებით და ჩაფხუტებით იყვნენ აღჭურვილნი.
