დუშეთში 1993 წლის 2 ივლის ტამიშის ბრძოლაში დაღუპული დუშეთის სწრაფი რეაგირების ბატალიონის გმირები გაიხსენეს .
2 ივლის აფხაზეთში ოჩამჩირის რაიონის დაბა ტამისში რუსული საზღავო დესანტის მიერ დუშეთის ბატალიონის მუხანათური განადგურებიდან 26 წელი გავიდა.
აღნიშნულ თარიღთან დაკავშრებით დუშეთის თიანეთის, ყაზბეგის და მცხეთის მუნიციპალიტეტებში სახელმწიფო რწმუნებულმა ბატონმა შალვა კერესელიძემ, დუშეთის მუნიციპალიტეტის მერმა ბატონ ზურაბ სეხნიაშვილმა და დუშეთის მუნიციპალიტეტის საკრებულოს თავმჯდომარემ ბატონმა გიორგი ინაშვილმა გვიგვინით შეამკეს აფხაზეთის ომში დაღუპული მებრძოლების ხსოვნის უკვდავსაყოფი მემორიალი დუშეთის შემოსასვლელში ხოლო შემდეგ დამსწრე საზოგადოებასთან ერთად გაემართნენ დუშეთში, წმინდა ბარბარეს სახელობის ძმათა სასაფლაოზე სადაც ტამიშის ბრძოლაში დაღუპული დუშეთის სწრაფი რეაგირების ბატალიონის მებრძოლების სულის მოსახსენიებელ პანაშვიდს დაესწრნენ, რომელიც მამა ვლადიმერმა გადაიხადა.
დუშეთის მუნიციპალიტეტის მერის მოადგილემ ბატონმა თამაზ უნდილაშვილმა შეკრებულ საზოგადოებას გააცნო ინფორმაცია: დუშეთის მუნიციპალიტეტის საკრებულოს მიერ დუშეთის მუნიციპალიტეტის ადმინისტრაციულ საზღვრებში მდებარე უსახელო მწვერვალისათვის საქართველოს ეროვნული გმირის ზურაბ იარაჯულის სახელი მინიჭების, ქ.დუშეთში ქეთევან წამებულის ქუჩის მეორე შესახვევის დამოუკიდებელ ქუჩად ჩამოყალიბების და აფხაზეთის ომში 1993 წლის 2 ივლის დაღუპული დუშეთის სწრაფი რეაგირების ბატალიონის მებრძოლის ოთარ ბურდულის სახელის მინიჭების და დუშეთის მუნიციპალიტეტის ჟინვალის ადმინისტრაციული ერთეულის სოფელ ქვემო არანისში უსახელო ქუჩისთვის აფხაზეთის ომში დაღუპული დუშეთის სწრაფი რეაგირების ბატალიონის მებრძოლის ალექსი წიკლაურის სახელის მინიჭების შესახებ.
უგზო-უკვლოდ დაკარგულ მეომართა მოძიების კომისიის წარმომადგენელმა ქალბატონმა ნესტან დაჩიბერიძემ მადლობა გადაუხადა დუშეთის ადგილობრივი ხელისუფლების წარმოამდგენლებს ღონისძიების ჩატარების და ქუჩებისთვის აფხაზეთის ომში დაღუპული მებრძოლების სახელების მინიჭებისთვის.
ღონისძებას ესწრებოდნენ: დუშეთის მუნიციპალიტეტის საკრებულოს წევრები,დუშეთის მუნიციპალიტეტის მერის მოადგილეები,დუშეთის მუნიციპალიტეტის მერიის და საკრებულოს თანამშრომლები, ვეტერანთა საქმეთა სახელმწიფო სამსახურის მცხეთა-მთიანეთის რეგიონალური სამმართველოს წარმომადგენელი დუშეთში ბატონი ბადრი პაპიაშვილი,დუშეთის სწრაფი რეაგირების ბატალიონის ვეტერენები , მათი ოჯახის წევრები, საიას დუშეთის ოფისის ხელმძღვანელი ბატონი სერგო ისაშვილი და უგზო-უკვლოდ დაკარგულ მეომართა მოძიების კომისიის წარმომადგენლები.
ფოტო და ვიდეო მასალის მოგვაწოდა დუშეთის მუნიციპალიტეტის მერიის საინფორმაციო სამსახურმა.
აქვე იხილეთ:
ფილმი ეძღვნება აფხაზეთის ომში დაღუპულ დუშეთის ბატალიონის მებრძოლების ხსოვნას.
