თბილისში უზანძეს ქუჩაზე აფხაზეთის ომში დაღუპული ქალების ხსოვნის უკვდავსაყოფად სიცოცხლის სკვერი გაიხსნა
ჩუღურეთის რაიონში დიმიტრი უზნაძის ქუჩაზე, აფხაზეთის თეატრთან მდებარე ”სიცოცხლის” სკვერი ოფიციალურად გაიხსნა.
სკვერის სახელდება საზოგადოებრივ საქმეთა ინსტიტუტის ინიციატივით განხორციელდა და ის აფხაზეთის ომში მოკლულ ქალებს მიეძღვნა.
სახელი რამდენიმე ვარიანტიდან მოქალაქეთა გამოკითხვის გზით შეირჩა. სკვერის დაპროექტების და თემატურად მოწყობის სამუშაოები GIPA ს და ჩუღურეთის რაიონის გამგეობის დაფინანსებით განხორციელდა.
სიცოცხლის სკვერის გახსნას სახელდებისა და სიმბოლიკის კომისიის თავმჯდომარე თინათინ ნიბლოშვილი, რაიონის გამგებელი ზურაბ ჩიკვილაძე, საზოგადოებრივ საქმეთა ინსტიტუტის წარმომადგენლები, საკრებულოს ჩუღურეთის მაჟორიტარი წევრი რიმა ბერაძე, პარლამენტის ვიცე სპიკერი გიორგი ვოლსკი, აფხაზეთის ა/რ მთავრობის წარმომადგენლები და მოქალაქეები ესწრებოდნენ.
“მსგავსი ობიექტების სახელდება და თემატური მოწყობა მნიშვნელოვანია საზოგადოების ცნობიერებაში იმ გმირების ღვაწლის წამოსაწევად, რომელმაც შეცვალეს საქართველოს ისტორია. “
თბილისი სიმბოლოების ქალაქია, ჩვენ ყოველდღიურ რეჟიმში ვუკვდავყობთ ჩვენი გმირების სახელდებას. დღეს მე განსაკუთრებულად ამაყი ვარ, რადგან ეს სკვერი ეძღვნება ქალებს, რომლებიც ომს შეეწირნენ და საკუთარი სიცოცხლით შეიტანეს ღვაწლი სამშობლოს დაცვის საქმეში”. განაცხადა ‘სიცოცხლის” სკვერის გახსნაზე თბილისის მუნიციპალიტეტის საკრებულოს სახელდებისა და სიმბოლიკის კომისიის თავმჯდომარემ თინათიან ნიბლოშვილმა.
