ნატოს ევროპულ სარდლობას ახალი მეთაური ჰყავს – გენერალი ტოდ უოლტერსი

გენერალი ტედ უოლტერსი

ამერიკელი გენერალმა ტედ დენიელ უოლტერსმა 3 მაისს ოფიციალურად დაიკავა ნატოს მოკავშირეთა გაერთიანებული შეიარაღებული ძალების მთავარსარდლის პოსტი.

ბელგიაში, მონსში პარასკევს გამართულ ცერემონიაზე სიტყვით გამოსვლის დროს, ნატოს გენერალურმა მდივანმა იენს სტოლტენბერგმა ევროპული სარდლობის მთავარსარდლის ( (SACEUR) პოსტს უწოდა „მსოფლიოში ყველაზე რთული და მნიშვნელოვანი სამხედრო თანამდებობა“.

გენერალი უოლტერსი, რომელმაც ამ პოსტზე შეცვალა ასევე ამერიკელი გენერალი კერტის სკაპაროტი, ევროპაში აშშ-ის სამხედრო-საჰაერო ძალების სარდლობასაც უხელმძღვანელებს.

ნიშნადობლივია, რომ პროფესიონალ სამხედრო მფრინავზე არჩევანი გაკეთდა იმ დროს, როდესაც ალიანსი სერიოზული გამოწვევის წინაშე დგას. დიდი ალბათობით მოქმედებას შეწყვეტს აშშ-სა და საბჭოთა კავშირს შორის საშუალო და შორი რადიუსის მოქმედების რაკეტების ლიკვიდაციის შესახებ, 1987 წელს ხელმოწერილი ხელშეკრულება, რომელიც ევროპას იცავდა უკანასკნელი 30 წლის განმავლობაში.

ნატოს არსებობის განმავლობაში, ქალაქ მონსში მდებარე ალიანსის ევროპულის ძალების უმაღლესი მთავარსარდლობის შტაბს სათავეში ყოველთვის უდგას ამერიკელი გენერალი.

წყარო:radiotavisupleba.ge