პერლ ჰარბორის ისტორიულ სამხედრო ბაზაზე სამი ადამიანი დაჭრეს

ამერიკელმა საზღვაო ქვეითმა ცეცხლსასროლი იარაღით სამი ადამიანი დაჭრა ჰავაიზე მდებარე პერლ ჰარბორის სამხედრო ბაზაზე და შემდეგ თავი მოიკლა.

სამივე დაჭრილი სამოქალაქო პირია. ტელეკომპანია NBC-ის ინფორმაციით, ორი მათგანის მდგომარეობა მძიმეა. ინციდენტის გამო ამერიკული სამხედრო-საზღვაო ბაზის და მისი მიმდებარე ტერიტორია დროებით დაიკეტა. გამოძიებას სპეციალური სამსახურები ატარებენ. თეთრ სახლში განაცხადეს, რომ ინციდენტის შესახებ ინფორმირებულია პრეზიდენტი დონალდ ტრამპი.

7 დეკემბერს პერლ ჰარბორის ბაზაზე დაგეგმილია იაპონიის ავიაციის თავდასხმიდან 78-ე წლისთავისადმი მიძღვნილი ღონისძიებები. 1941 წელს განხორციელებულ თავდასხმას, რომლის შემდეგ შეერთებული შტატები მეორე მსოფლიო ომში ჩაერთო, 2400-მდე ამერიკელი ჯარისკაცის სიცოცხლე ემსხვერპლა.