საქართველოს NATO-ში გაწევრიანების საკითხი კონგრესის ორივე პალატაში პრიორიტეტულად დასახელდა

ვაშინგტონში NATO-ს 70 წლის იუბილესადმი მიძღვნილი მინისტერიალის დაწყებამდე კონგრესის ორივე პალატაში მოსმენები გაიმართა, სადაც საქართველოს NATO-ში გაწევრიანების საკითხი პრიორიტეტულად დასახელდა. 

„რუსეთმა საქართველოს და უკრაინის სუვერენიტეტი ამ ქვენებში შეჭრითა და ოკუპაციით დაარღვია.NATO-მ უნდა უზრუნველყოს სამხედრო დახმარება და რჩევები უკრაინისთვის, საქართველოსთვის და მოლდოვასთვის. ის უნდა მიისწრაფოდეს ალიანსში საქართველოს შეყვანაზე. შესაძლოა, დროებით, ოკუპირებული მხარეების გარეშე, როგორც ეს გავაკეთეთ დასავლეთ ბერლინში ცივი ომის დროს”, – განაცხადა აშშ-ს თავდაცვის მდივნის ყოფილმა თანაშემწემ ეველინ ფარკასმა. 

ცნობისთვის: ვაშინგტონში NATO-ს 70 წლის იუბილესადმი მიძღვნილი მინისტერიალი იწყება. უკვე ცნობილია, რომ ალიანსი რუსეთის წინააღმდეგ შავი ზღვის რეგიონში კონკრეტული ზომების მიღებას აპირებს. კერძოდ, საუბარია საჰაერო დაზვერვის გაძლიერებასა და სამხედრო გემების რაოდენობის გაზრდაზე.

წყარო: accentnews.ge