აგვისტო 13, 2022

Gmas.ge

ქართული სამხედრო ანალიტიკური პორტალი

მაიკ პომპეო: დადგება დრო, როდესაც ვინც კორონავირუსის ეპიდემიაზეა პასუხისმგებელი, პასუხს აგებენ.

U.S. Secretary of State Mike Pompeo addresses a news conference at the State Department in Washington, U.S., April 7, 2020. REUTERS/Leah Millis/Pool

დადგება დრო, როდესაც ყველას მოგვიწევს იმის გაგება თუ რა მოხდა, რათა მათ, ვინც კორონავირუსის ეპიდემიაზეა პასუხისმგებელი, პასუხი აგონ, – განაცხადა აშშ-ის სახელმწიფო მდივანმა მაიკ პომპეომ BILD Live-სთვის მიცემულ ინტერვიუში.

ჟურნალისტის კითხვას, უნდა აგოს თუ არა პასუხი ჩინეთმა იმ ზიანზე, რომლებიც სახელმწიფოებმა განიცადეს უხანში დაწყებული ეპიდემიის გამო, მაიკ პომპეომ უპასუხა:

„ჩვენ გლობალური დებატები გვჭირდება. ძალიან მნიშვნელოვანია იმის გაგება, თუ როგორ და სად დაიწყო ეს ყველაფერი. დადგება დრო, როდესაც დამნაშავეები პასუხს აგებენ. დარწმუნებული ვარ, რომ ეს მოხდება. ამჟამად კი საჭიროა კონცენტრირება მიმდინარე სამუშაოზე, რათა კვლავ გავხსნათ ამერიკული და მსოფლიო ეკონომიკა. ბრალდებებისთვის დრო კიდევ დადგება“, – განაცხადა აშშ-ის სახელმწიფო მდივანმა.

მაიკ პომპეომ ხაზგასმით აღნიშნა, რომ „მნიშვნელოვანია, მსოფლიოს საუკეთესო მეცნიერებმა, მათ შორის ჩინელმა მეცნიერებმა, მონაწილეობა მიიღონ იმის დადგენაში, თუ სად დაიწყო და წარმოიშვა ვირუსი, თუ როგორ გავრცელდა ის“.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. რა უნდა ვიცოდეთ საგანგებო მდგომარეობის შესახებ, წაიკითხეთ აქ.

error: სტატიის დაკოპირება აკრძალულია!!!