მაისი 17, 2022

Gmas.ge

ქართული სამხედრო ანალიტიკური პორტალი

შინდისში გმირულად დაღუპული 17 ჯარისკაცის მუზეუმი – გიორგი კასრაძის ინიციატივა.

შინდისის ბრძოლა – ჩვენი დროის საქართველოს გმირული მატიანე!

2008 წლის 11 აგვისტო – ქართული საჯარისო შენაერთების უკან დახევისას, სოფელ შინდისთან, რკინიგზის სადგურის მიმდებარედ, კარგად შეიარაღებული რუსული მოტომსროლელი ასეული ჩასაფრდა. მალევე, სადგურთან ქართული საინჟინრო ოცეული გამოჩნდა და რუსულმა დანაყოფმა ცეცხლი გახსნა. ოცეული ღია საბრძოლო მანქანებით გადაადგილდებოდა, პირველივე აფეთქებისას 5 ქართველი ჯარისკაცი დაიღუპა.
გადარჩენილი ქართველი სამხედრო მოსამსახურეები მანქანებიდან ჩამოხტნენ და მტრის ასეულს საპასუხო ცეცხლი გაუხსნეს. უთანასწორო შეტაკებისას 17 ჯარისკაცი გმირულად დაიღუპა. იბრძოდნენ მანამდე, ვიდრე ტყვია-წამალი ბოლო ვაზნამდე არ გამოელიათ.

ასე დაიწერა XXI საუკუნის საქართველოს ისტორიის გმირული ფურცელი – ალექსანდრე ონიანი, ემზარ წილოსანი, ვეფხვია ჯიშკარიანი, ზვიად კაცაძე, თეიმურაზ ბერიძე, ილია გაბუნია, ილია შეყლაშვილი, ირაკლი ჯანელიძე, კახა კოშაძე, ლევან მელქაძე, მარლენ ბარამია, მიხეილ დვალიშვილი, ნიკოლოზ ფორჩხიძე, რომან ზოიძე, რუსლან წულაძე, ფელიქს კაკაურიძე და შმაგი კუპატაძე.
ოცეულიდან მხოლოდ 3 კაცი გადარჩა. მძიმედ დაჭრილები ჩუმად გაიყვანა მოსახლეობამ სამშვიდობოს. სწორედ ამ ბიჭებმა შეინახეს შინდისის გმირების ისტორია.

XXI საუკუნის გმირებმა, 2008 წლის 11 აგვისტოს, ქვეყნის და ერთმანეთის სიყვარულის, თავდადების, გასაჭირში ერთმანეთის გვერდში დგომის მაგალითი დაგვიტოვეს და გვასწავლეს, როგორ უნდა გვიყვარდეს სამშობლო და ერთმანეთი.

2008 წლიდან 12 წელი გავიდა და ჩვენ, სამშობლოს ერთგული შვილები, ამ ტერიტორიაზე, შინდისში, შინდისის გმირების მუზეუმის გახსნის ინიციატივით გამოვდივართ. მხარი დაუჭირეთ ჩვენს ინიციატივას და შემოგვიერთდით!

აღნიშულის შესახებ  სოციალურ ქსელში  წერს ნიქოზში მცხოვრებ გიორგი კასრაძე.

error: სტატიის დაკოპირება აკრძალულია!!!