რუსული ტანკების წინააღმდეგ პოლონეთი ახალი ტანკსაწინააღმდეგო ყუმბარსატყორცნების ყიდვას აპირებს.
ფოტოზეა საბჭოთა წარმოების ხელის ტანკსაწინააღმდეგო ყუმბარსატყორცნი РПГ-7
პოლონეთში შეირჩა მსუბუქი ტანკსაწინააღმდეგო ყუმბარმტყორცნების პოტენციური მომწოდებლები. მიმდინარე 2020 წელს უკვე იგეგმება ხელშეკრულების გაფორმება, ხოლო ყუმბარმტყორცნის საჭიროება აიხსნება შესაძლო რუსული თავდასხმისგან დაცვის აუცილებლობით.
როგორც ცნობილია ყველაზე მეტად ბალტიის ქვეყნებში და პოლონეთში რუსული ტანკების ეშინიათ.
რადგან რუსული ტანკები ბევრად მეტია, ვიდრე ნატოს ქვეყნების ჯარების ტანკები ალიანსის აღმოსავლეთ საზღვრებზე, და თუ ომი იწყება რუსეთთან, მაშინ რუსეთის სატანკო კოლონებს დიდი დრო არ დასჭირდებათ პოლონეთის ტერიტორიამდე მისაღწევად. ამიტომ, პოლონეთის არმია განსაკუთრებულ ყურადღებას უთმობს ტანკსაწინააღმდეგო იარაღებს, მათ შორის ტანკსაწინააღმდეგო ყუმბარმტყორცნებს.
ამ დროისთვის, პოლონეთის სახმელეთო ჯარებში ყველაზე გავრცელებულ ყუმბარმტყორცნად საბჭოთა წარმოების РПГ-7 რჩება. გარდა ამისა, პოლონეთის საჰერო-სადესანტო ჯარების ქვედანაყოფების და სპეც დანიშნულების რაზმების შეიარაღებაში შედის შვედური წარმოების “კარლ გუსტავის” M2 და M3 მოდიფიკაციიის ხელის ტანკსაწინააღმდეგო ყუმბარსატყორცნები.
ასევე, პოლონური არმია იყენებს შვედურ AT-4 ყუმბარმტყორცნებსა და ესპანურ Instalas C90 ყუმბარმტყორცნებს.
თუმცა, ახლახანს, პოლონეთმა გააცნობიერა მოძველებული РПГ-7 შეცვლის აუცილებლობა, შესაბამისად, პოლონეთის სამხედროების სურთ, РПГ-7 ყუმბარმტყორცნის უფრო თანამედროვე მოდელებით ჩანაცვლება. ისინი გეგმავენ არა მხოლოდ სახმელეთო ჯარების, არამედ ტერიტორიული თავდაცვის ძალების აღჭურვას, რომლებიც ასევე მნიშვნელოვან როლს ასრულებენ პოლონეთის სახელმწიფოს თავდაცვისუნარიანობის უზრუნველყოფის სისტემაში.
პოლონურმა არმიამ დაიწყო მსუბუქი ტანკსაწინააღმდეგო ყუმბარმტყორცნების პოტენციური მომწოდებლების ძებნა, პოლონეთის თავდაცვის სამინისტროს შეიარაღების ინსპექციის სპიკერმა, მაიორმა კრზიშტოფ პლატეკის თქმით ჯერჯერობით 9 კომპანიაა მოძიებული.
მომავალი ერთჯერადი ყუმბარმტყორცნის “Grotto” – ს უნდა ჰქონდეს ისეთი მახასიათებლები, რომლებიც დააზნიანებს ჯავშანტრანსპორტიორს, ქვეითი საბრძოლო მანქანებს, ასევე ახალი ტანკებს მათ სუსტ ადგილებში.
მეორე ტიპის სამიზნეები მოიცავს შენობებს და გამაგრებულ ღობეებს.
რასაკვირველია, მათი ღირებულება, ისევე როგორც პოლონეთში ყუმბარმტყორცნის წარმოებისა და შენარჩუნების ლიცენზიის შეძენის შესაძლებლობა მნიშვნელოვან როლს შეასრულებს ყუმბარმტყორცნის მიმწოდებლის განსაზღვრაში. პოტენციურ მომწოდებლებს შორის, რომლებმაც უკვე წარადგინეს განაცხადები, აღსანიშნავია Polska Grupa Zbrojeniowa SA, Raytheon Missile Systems, Saab Technologies Poland Sp. და Griffin Group SA Defense Sp.k.
უცხოურ სააგენტოებზე დაყრდნობით მომაზდა იოსებ ჭონქაძემ
