სასაზღვრო პოლიციის სანაპირო დაცვისა და ნატოს ხომალდებმა შავ ზღვაში ერთობლივი საზღვაო წვრთნები ჩაატარეს.

ერთობლივ საზღვაო მანევრებში მონაწილეობდა შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის აილენდის კლასის 2 ხომალდი – “დიოსკურია” და “ოჩამჩირე” და ნატოს მუდმივმოქმედი მეორე საზღვაო შენაერთის 5 ხომალდი: ITS VIRGINIO FASAN (იტალია), HMCS FREDERICTON (კანადა), ROS REGINA MARIA (რუმინეთი) და BGS VERNI (ბულგარეთი) და TCG SALIHREIS (თურქეთი).

წვრთნების მიზანია ნატო-სა და საქართველოს სანაპირო დაცვის ხომალდების ურთიერთმოქმედებისა და ურთიერთთავსებადობის დონის ამაღლება.

შენაერთის ვიზიტი საქართველოში ჯანდაცვის მსოფლიო ორგანიზაციისა და დაავადებათა კონტროლის ეროვნული ცენტრის რეკომენდაციების სრული დაცვით განხორციელდა. ახალი კორონავირუსის (COVID-19) შესაძლო გავრცელების პრევენციის მიზნით, არ ჩატარებულა საჯარო და კულტურული ღონისძიებები. შეხვედრები გაიმართა დისტანციურად, ვიდეო-კონფერენციის ფორმატში. ერთობლივი წვრთნები არ ითვალისწინებდა ეკიპაჟების ურთიერთქმედებას.

p.s სანაპირო დაცვის მნიშვნლეობა კარაგდ გამოჩნდა 2008 წლის რუსეთ-საქართველოს ომის დროს , სამწუხაროდ მცირერიცხოვანმა ქართულმა ფლოტმა რუსეთის შავი ზღვის  ფლოტის ტაქტიკურ დაჯგუფებას წინააღმდეგობა ვერ გაუწია (ქართული ფლოტის მთავრი დამრტყმელი ძალა ფარანგული სარაკეტო კატარღა “დიოსკურიას” არ ჰქონდა საშტატო ხომადლსაწინააღმდეგო ფრტოსანი  რაკეტები)

მიგვაჩნია რომ სამხედრო საზღავო ძალები უნდა აღდგეს როგორ ჯარის ერთ-ერთი სახეობა ასევ აუცილებელია  მოხდეს ხომალდსაწინააღმდეგო მართავადი სარაკეტო კომპლექსების რუსეთის შავი ზღვის ფლოტის სამხედრო ხომალდებისგან თავდასაცავად.