სენსაციური ვიდეო კადრები- ირანმა უკრაინული ავიალანერის ჩამოსაგდებად ორი ანტისაჰაერო რაკეტა გაისროლა – NEW YORK TIMES
NEW YORK TIMES-მა გამოაქვეყნა ახალი ვიდეო მასალა, სადაც ასახულია თეირანში 8 იანვარს უკრაინული სამგზავრო ავიალაინერის ჩამოგდების კადრები. ვიდეოში ჩანს თუ, როგორ ხვდება ორი ანტისაჰაერო რაკეტა დროის სხვადასხვა ინტერვალში საჰაერო აპარატს, რომლის შემდეგაც თვითმფრინავს ცეცხლი უჩნდება. აღნიშნული კადრები გადაღებულია აეროპორტთან არსებული სათვალთვალო ვიდეოკამერით.
აღსანიშნავია ის მოვლენა, რომ ზემოხსენებული სამიზნის მისამართით გასროლილი ორი რაკეტა ეჭქვეშ აყენებს იმ ფაქტს, რომ თვითმფრინავის მიმართ საზენიტო რაკეტის გასროლა მოხდა შემთხვევით.
შეგახსენებთ, რომ 8 იანვარს გამთენიისას ირანში ბოინგ 737-ის ტიპის სამოქლაქო ავიალაინერი, რომელზეც 176 მგზავრი იმყოფებოდა ხომეინის საერთაშორისო აეროპორტში აფრენიდან რამდენიმე წუთში ჩამოვარდა- ბორტზე მყოფი ყველა ადამიანი გარდაიცვალა.
ინტერნეტში გავრცლდა რაკეტის ნამსხვრევების ამსახველი ფოტოები, რომელიც უკრაინული თვითმფრინავის ავიაკატასტროფის ადგილზე იქნა აღმოჩენილი. ექსპერტთა შეფასებით ფოტოზე ასახულია TOR M1-ის ანტისაჰაერო კომპლექსის 9M331-ის ტიპის რაკეტის ცხვირის კონუსის ფორმის ნამსხვრევი.
ავიაკატასტროფიდან რამდენიმე დღის შემდეგ, ირანის ისლამური რევოლუციის გუშაგთა კორპუსის მიერ ოფიციალურად დადასტურდა ის ფაქტი, რომ თვითმფრინავი შეცდომით იქნა ჩამოგდებული, რასაც ირანის პრეზიდენტმა, ჰასან როუჰანიმ უპატიებელი შეცდომა და გამოუსწორებელი ტრაგედია უწოდა.
