27 ივლისი ტრაგიკული დღე უახლეს ისტორიაში, რომელიც შეიძლება გამარჯვების დღე გამხდარიყო, 23-ე ბრიგადის მე-8 ბატალიონის 1-ლი ასეულის- ცუგუროვკის მეთაური ჯემალ სვანიძე.
27 ივლისი ტრაგიკული დღე ჩვენი ქვეყნის უახლეს ისტორიაში, რომელიც შეიძლება გამარჯვების დღე გამხდარიყო, რომ არა ე. შევარდნაძის და მისი დამქაშების მოღალატეობრივი პოლიტიკა 1992-93 წლებში აფხაზეთში მიმდინარე რუსეთ-საქართველოს სამამულო ომის პერიოდში!
დიდება გმირებს ვინც თავი შესწირა სამშობლოს დამოუკიდებლობას და ერთიანობას!!!
რუქა რომელიც გამოვაქვეყნე ქ. სოხუმის ტოპოგრაფიული რუქაა სატელიტიდან გადაღებული უახლეს პერიოდში. არ არის საჭირო ან რუქის კარგად ცოდნა, ან სოხუმის ადგილმდებარეობის ზედმიწევნით ცოდნა დაკვირვებული თვალით კარგად გავარჩევთ მეგობრებო, რომ ქ. სოხუმს აღმოსავლეთით ესაზღვრება მდ. კელასური, დასავლეთით მდ. გუმისთა, სამხრეთით შავი ზღვა და ჩრდილოეთით იაშტუხისა და ბირცხის მთების სიმაღლეები. სურათზე კარგად ჩანს ორი დიდი მთის მუქი გამოსახულება ,რომელიც გადაფარვია ქალაქს ფარივით (გამცემლიძის ტერმინებით მთაწმინდის შესადარი თბილისისათვის). მარცხნივ არის იაშტუხის მთა, შემდეგ არის ცუგუროვკის სიმაღლე და შემდგომ ზეგანი (ე.წ. ახბიუკის სიმაღლე). მარჯვნივ ბირცხის მთა, შემდეგ პირველი კამანი, შრომის მთა ( ე. წ. ხაბიუკის სიმაღლე) და შემდგომ დაბლობზე ს. შრომა!!! სოხუმი-გუმას გზას რომ გავყვეთ კარგად ჩანს გუმისთის ორი ნაკადის შეერთება იქაა ცნობილი ს. კამანი და გზით უკვე ზევით ქალაქიდან 22 კმ.-ში ს.ახალშენი, ს.გუმა, სოხუმჰესი და ა.შ.
ეს რუქა ცალსახად ავლენს გამცემლიძუს და მის პატრონ შევარდნაძის სიცრუესა და ღალატს ქვეყნისა და ერის წინაშე!!!🤬
როგორც წინა სტატიაში მოგახსენეთ 1993წლის 25 ივლისის მდგომარეობით მოწინააღმდეგეს ეკავა ახალშენი, კამანი, შრომის ნაწილი სასაფლაოების ჩათვლით და ზეგანის სიმაღლე (როგორც მოგახსენეთ გარდამავალი უპირატესობით, ხან ჩვენ გვეკავა, ხან მათ).
ჩვენი პოზიციები კი იაშტუხის მთა, ცუგუროვკა (მე-5 საგუშაგო ზეგანის მისადგომებთან უმნიშვნელოვანეს ბილიკებს ამაგრებდა, მრავალი მცდელობის მიუხედავად მტერმა ვერ გამოარღვია თავდაცვითი ზღუდეები და დიდი დანაკარგებით სურვილიც დაკარგა ბრძოლის), ბირცხის მთა, პირველი კამანი და შრომის მთის სიმაღლე სასაფლაოებამდე. თანაც ჩვენ გვქონდა უპირატესობა ადგილმდებარეობის ზედმიწევნით ცოდნის, ხოლო მტრის მეგზურები ან გავანადგურეთ ან ტყვეთ ავიყვანეთ.
ჩვენი დაზვერვა და გამოცდილი ავღანელი მებრძოლები თავს ესხმოდნენ მტერს ზურგიდან, ატარებდნენ დივერსიებს, მოჰყავდათ ტყვეები (თვით რუსეთის გენ-შტაბის მაიორი აიყვანეს კამანელმა გმირებმა, ვინც საყოველთაოდ ამხილა რუსეთი საქართველოსთან ომის დაგეგმვასა და წარმოებაში. ერთი გამცემლიძე აბრალებს აფსუა სეპარატისტებს გენიალური სამხედრო გეგმის შედგენას?!), შრომაში ჩამოგდებულ იქნა რუსეთის ავია-გამანადგურებელი, ასევე შუბარა-სოხუმჰესის მიმართულებით წარმატებით ჩატარდა ოპერაცია მტრის ტექნიკის გასანადგურებლად.
ასე რომ ივლისის გეგმა შედგენილი რუსეთის გენ-შტაბში ვერ შესრულდა ვერც ოჩამჩირე-ტამიშის და ვერც შრომა-ცუგუროვკის მიმართულებით!!! ტამიშის დესანტი განადგურებულ იქნა და შრომის მიმართულებით ერთ თვეში უდიდესი დანაკარგებით უმთავრესი სიმაღლეები ვერ დაიკავა მოწინააღმდეგემ!!!
და აი ამ ომის მიმდინარეობის განმავლობაში პირველად 23-ე ბრიგადის შტაბში მიღებულ იქნა დამოუკუდებლად შეტევითი ოპერაცია!!! მთელი ელიტარული ნაწილები ჩვენი ბრიგადის და მე-2 საარმიო კორპუსის მობილიზირებულ იქნა საველე შტაბთან ცუგუროვკასთან. ბრიგადის მეთაური გენერალ-მაიორი გენო ადამია თავად ჩაუდგა მებრძოლებს სათავეში, გენერლები ყურაშვილი და უჩაძე, პოლკოვნიკი სოსო ახალაია, სახალხო ლაშქარი ბორის კაკუბავას მეთაურობით, პრეზიდენტ გამსახურდიას გვარდიელები სოსო ჯომიდავას მეთაურობით, 24- ე ბრიგადის რაზმი, სამურზაყანოს ბატალიონის მებრძოლები, ჩვენი უკრაინელი ძმები (სხვათა შორის ზოგიერთი მათი მოხალისე იყო ავტომატი პირველად ეკავათ ხელში და თავს იკლავდნენ საქართველოსთვის, თქვენ თუ დაგამარცხეს ჩვენც გადაგვივლიან რუსებიო?!) და ბევრი პატრიოტი მამულიშვილი!!!
შეტევა განხორციელდა სამი მხრიდან ჩვენ ვუტევდით ზეგანის მხრიდან 1-ლი ბატალიონთან (მეთაური დ. ღვინჯილია) ერთად მარცხნივ შრომის მთიდან სამხედრო პოლიცია და ადგილობრივი მებრძოლები, ხოლო ცენტრიდან ძირითადი ძალები გენო ადამიას მეთაურობით. ბრძოლები მიმდინარეობდა დაღამებამდე. მტერი განდევნილ იქნა ცენტრიდან-შრომის სასაფლაოების ჩათვლით სოფლის ამბულატორიამდე, მარცხნიდან კი ჩვენი მებრძოლები გავიდნენ ზეგანის ცენტრამდე! მარჯვნივ კი როტორი და მეფრ. ფაბრიკის ჩათვლით!!!
ღამე ჩვენ შევიცვალეთ ადგილმდებარეობა და არტილერიამ გაანადგურა მათი ტექნიკა დასახმარებლად რომ მოდიოდნენ კამანიდან!!!
ამ გააფრთებულ ბრძოლაში დაიღუპნენ ჩვენი გმირი თანამებრძოლები-დიდება გმირებს!!! დაიჭრა ჩვენი მეთაური ნეტარი გენო ადამია (გენო ბიძია ეგრე ვეძახოდით ჩვენს საყვარელ სახალხო გენერალს-დიდება გმირებს), მაგრამ მოწინააღმდეგემ მიიღო დიდი დარტყმა, დაიბნა არ მოელოდა ასეთ ნაბიჯს ჩვენგან. სასწრაფოებით გაივსო შრომა ზეგანიდან ვხედავდით ჭოგრიტით, არეულობა სუფევდა მათ რიგებში, რაციაში ვიჭერდით მათ საუბარს. ჩეჩნებმა გამოაგზავნეს ხალხი, ითხოვდნენ კორიდორს გასასვლელად, იქით კიდევ რუსი გენერალიტეტის ვიზიტი და არძიბას პანიკა!!! ამ შეტევითი ოპერაციის გასაგრძელებლად რუსეთს არ უნდოდა საკუთარი რეზერვების შეწირვა და არძინბას რესურსები არ ჰქონდა!!!
ამ ჩვენთვის ხელსაყრელ მომენტში (როგორც 15-16 მარტს) უნდოდა სწრაფი და გადამჭრელი მოქმედებები, რაც ჩვენ გამარჯვებას უეჭველს გახდიდა!!! და რა ხდება ამის საპირისპიროდ!
26 ივლისს საველე შტაბში ვამუშავებთ გეგმას ბატ. მეთაურის მოადგილე ცხონებული ზურაბ შენგელიასთან და ბრიგადის შტ. უფრ. იმ პერიოდში რეზო ქარდავასთან (ორივე უნარიანი და ზედმიწევნით მცოდნე მეთაური), რომ მოდის ცნობა ბრძოლების შეჩერების და ზავის გამოცხადების შესახებ!!!,🤬თანაც როგორი ხელშეკრულების ჩვენი სრული განიარაღების, ტექნიკის, საჯარისი ნაწილების გაყვანის, პოზიციების დატოვების და დანაღმული ველების განნაღმვის!!!🤬
ეს იყო სრული შოკი. უცებ გაგვახსენდა 1992 წლის 3 სექტემბრის ხელშეკრულება და გაგრის ჩაბარება. ცხოვრებაში არ დამავიწყდება ცხონებულმა ზური შენგელიამ😥 რომ მითხრა: ჯემალი შევარდნაძემ ჩაგვაბარა, უნდა მოვემზადოთ პარტიზანული მოქმედებებისათვის, აქ ბევრი გვირაბები და სამალავია, ამიტომ იარაღი , ტყვია-წამალი, სურსათი უნდა შევინახოთ, თორემ დავიღუპებითო!!!
ისე აგიხდათ ყველაფერი კარგი, რაც ცხონებულის ეს სიტყვები აგვიხდა!!! კიდევ კარგი მისი ჩანაფიქრის შესრულება ნაწილობრივ მაინც მოვასწარი, თორემ გენოციდი მერე გენახათ სექტემბერში რაც დაგვმართეს რუსებმა და ყველა ჯურის არაადამიანმა-ე. შევარდნაძისა და შენი ჩათვლით გამცემლიძევ!!!🤬
(გაგრძელება იქნება)
