ქართული ავტომატური შაშხანა G-5

ავტომატური შაშხანა G-5

ავტომატური შაშხანა G-5 ის პრეზენტაცია შედგა 2012 წელს. იარაღი დამზადებულია სამხედრო-ტექნიკურ ცენტრ ,,დელტას,, მიერ.

G-5 შექმნილია კარგად ცნობილი ამერიკული ავტომატური შაშხანის AR-15 ის ბაზაზე, თუმცა მასში გათვალისწინებულია ყველა ის მინუსი რაც აქვს ქართული არმიის შეიარაღებაში მყოფ M-4 ტიპის შაშხანას. კონკრეტულად კი ავტომატს აქვს გაუმჯობესებული საკეტი და დაყენებული აქვს აირდგუში. აირდგუშის მუშაობის პრინციპით G-5 უფრო გერმანულ HK-416 და G-36-ს ჰგავს.
ავტომატის დეტალების აბსოლუტური უმრავლესობა ლულის ჩათვლით საქართველოშია დამზადებული. არსებობს ასევე ავტომატის მოკლელულიანი მოდიფიკაციაც. იარაღს თავდაპირველად G-13 ერქვა, შემდეგ კი G-5 დაერქვა.

ამერიკულ სტანდარტული მოდელის M-4 ში გასროლისას ნამწვი აირების და დენთის ნაწილი პირდაპირ საკეტის მექანიზმში ხვდება, რაც იწვევს სისტემის დაბინძურებას და შემდეგ გაჭედვას, მითუმეტეს რომ ზოგადად AR-15 ის სისტემა ჭუჭყისადმე ძალიან მგრძნობიარეა.
ქართულ G5 ში კი სროლისას ნამწვი აირები მთლიანად გარეთ იფრქვევა, ნაწილი კი ხმარდება დგუშის უკანა მიმართულებით მოკლე გადაადგილებას. შედეგად საკეტი მექანიზმის მუშაობა ხდება აირდგუშის მოკლე უკუსვლით და სისტემაც დაბინძურებისგან უფრო მეტადაა დაცული.

ავტომატური შაშხანა G5 – ტაქტიკურ-ტექნიკური მონაცემები

კალიბრი – 5.56 (5.56×45)

სიგრძე გაშლილი კონდახით – 840მმ

სიგრძე დაკეცილი კონდახით – 756მმ

ლულის სიგრძე – 370მმ (კომპენსატორის გარეშე)

მჭიდის ტევადობა – 30 ვაზნა

სწრაფსროლა –700–950 გასრ/წთ

სროლის ეფექტური მანძილი – 500–600მ

p.s ქართული წარმოების გ-5 ავტომატური შაშხანების ამერიკულ მ-4 ებს გაცილებით აჯობებენ და იმედი თავდაცვის სამინისტრო გაითვალისწინებს ეროვნული წარმოების ავტომტური შაშხანების უდიდეს სტრატეგიულ მნიშვნელობას. შეიარაღებული ძალების მთლიანად ამერიკულ მ-4 ებზე გადაყვანა არ არის გამართლებული.