დეკემბერი 8, 2022

Gmas.ge

ქართული სამხედრო ანალიტიკური პორტალი

ზურაბ აზარაშვილი: წელს გვექნება პირველი უპილოტო საფრენი აპარატი, რომელიც სრულად „დელტაში“ იქნება წარმოებული.

შემოდგომაზე გვექნება პირველი უპილოტო საფრენი აპარატი, რომელიც სრულად „დელტაში“ იქნება წარმოებული, – ამის შესახებ თავდაცვის მინისტრის მოადგილემ, ზურაბ აზარაშვილმა „ქრონიკასთან“ საუბარში განაცხადა.

„სუ-25“ ტიპის მოიერიშე თვითმფრინავების მოდერნიზება ირაკლი ღარიბაშვილის თავდაცვის მინისტრობის დროს დაიწყო. კონტრაქტი დაიდო „თბილავიამშენს“, „დელტასა“ და თავდაცვის სამინისტროს შორის და მის ფარგლებში საავიაციო პარკის სრულად მოდერნიზება და კაპიტალური განახლება ხდება. დღეს სრულიად საქართველო იხილავს სრულად განახლებულ „სუ-25“ ტიპის თვითმფრინავებს, რომლებიც საქართველოს დროშის ფერებს გამოსახავენ“, – განაცხადა ზურაბ აზარაშვილმა.

მან ასევე ისაუბრა „დელტას“ მიერ წარმოებულ „დიდგორის“ ჯავშანმანქანებზე.

„წინა წელს პირველად საქართველოს სამხედრო წარმოების ისტორიაში ქართულ შეიარაღებულ ძალებს გადაეცა სრულად საქართველოში წარმოებული 40-მდე ჯავშანმანქანა. ახლა ვფიქრობთ რედიზაინის კუთხით „დიდგორის“ გაუმჯობესებაზე, რათა ის თანამედროვე ტრენდებსა და მოთხოვნებს პასუხობდეს. წლის ბოლომდე ახალი მანქანის პროტოტიპი მზად უნდა იყოს. რაც შეეხება დრონებისა და უპილოტო საფრენი აპარატების წარმოებას, ამ პროექტის პირველი ეტაპიც მიმდინარე წელს უკვე დასრულდება. შემოდგომაზე გვექნება პირველი უპილოტო საფრენი აპარატი, რომელიც სრულად „დელტაში“ იქნება წარმოებული“, – აღნიშნა თავდაცვის მინისტრის მოადგილემ.

26 მაისს საქართველო დამოუკიდებლობის დღეს ზეიმობს.

წყარო ტვ იმედი

error: სტატიის დაკოპირება აკრძალულია!!!