აპრილი 21, 2021

Gmas.ge

ქართული სამხედრო ანალიტიკური პორტალი

მინისტრთა საბჭოს დამცველი უცნობი ქართველი მებრძოლის გმირობა.

სოხუმის დაცემის დღეს ყაბარდოელმა ბოევიკებმა მინისტრის საბჭოს შენობას ცეცხლი წაუკიდეს. ალი მთელ კორპუსს მოედო, მინები ლაწალუწით სკდებოდა. ამ დროს, სრულიად მოულოდნელად, ალმოდებული და კვამლში გახვეული შენობიდან ერთი მოხდენილი ქართველი მებრძოლი გამოვიდა დაბლა დაშვებული ავტომატით. ეტყობოდა, რომ სროლას არ აპირებდა, მაგრამ ხელსაც არ უშვებდა. მეომარი კიბეებზე მშვიდი და აუჩქარებელი ნაბიჯით ჩამოდიოდა..

ყაბარდოელებმა იარაღის დაგდება უბრძანეს. ქართველს თითქოს არც გაუგია, კვლავ მშვიდად მიაბიჯებდა მათკენ. ბრძანება გაუმეორეს, – ისევ ამაოდ, ქართველმა ავტომატი მხარზე გადაიგდო და სვლა განაგრძო.

აღფრთოვანებულან ყაბარდოელები, ერთმანეთისთვის უნიშნებიათ, – არ ესროლოთო, მაგრამ ერთ აფსუას მაინც მიუშვია ავტომატის ჯერი და მამაცი ქართველი მაინც ჩაუცხრილავს…

და როცა კონფედერანტებმა მისი ავტომატი აიღეს, აღმოჩდა, რომ მასში ერთი ტყვიაც კი არ იდო! გმირმა მებრძოლმა დამამცირებელ ტყვეობას, იარაღით ხელში, სახელოვანი სიკვდილი ამჯობინა…

shares
error: სტატიის დაკოპირება აკრძალულია!!!