სისხლიანი 1956 წლის 9 მარტი.
1956 წლის 9 მარტს საბჭოთა ხელისუფლების მიერ მობილიზებულმა ჯარმა სასტიკად დაარბია მშვიდობიანი მომიტინგეები, რომელთა საპროტესტო გამოსვლებმა და მოთხოვნებმაც ეროვნული ხასიათი მიიღო.
ცეცხლსასროლი იარაღითა თუ ხიშტებით ათეულობით ადამიანი გამოასალმეს სიცოცხლეს და ასობით დაჭრეს და დაასახიჩრეს. ყველაზე პატარა მსხვერპლი – 15 წლის ვალერი ალავიძე გახლდათ. დაღუპულთა შორის უმეტესობა სკოლის მოსწავლეები და სტუდენტები იყვნენ. ხელისუფლება კარგა ხანს ცდილობდა ამ ფაქტის მიჩქმალვას, გასაიდუმლოებული იყო გარდაცვლილთა რაოდენობა და ვინაობა.
შინაგან საქმეთა სამინისტროს არქივში დაცული ოფიციალური ცნობებით 9 მარტის ღამეს დაიღუპნენ:
1) უშანგი მერკვილიშვილი – 17 წლის,
2) ბორის ზარგარიანი – 16 წლის,
3) ოთარ გობეჯიშვილი – 21 წლის,
4) რაულ ლოლუა – 20 წლის,
5) შოთა ელიზბარაშვილი – 26 წლის,
6) იუზა წერეთელი – 18 წლის,
7) შენგელი ნოზაძე – 20 წლის,
8) ჯიმშერ მამალაძე – 19 წლის,
9) ვალერი ალავიძე – 15 წლის,
10) ლევან ხონგულოვი – 16 წლის,
11) ანზორ ჩანკვეტაძე – 24 წლის,
12) კლიმენტი რევაზიშვილი – 20 წლის,
13) კიაზო ჭანტურიძე – 16 წლის,
14) თენგიზ შანიძე – 16 წლის,
15) თემურ თოფურია – 24 წლის,
16) თემურ ბურდული – 24 წლის,
17) რევაზ გოგია – 16 წლის,
18) მიხეილ მათითაშვილი – 19 წლის,
19) გულნარა სვანი – 20 წლის,
20) ამბროსი ქოქრაშვილი – 27 წლის,
21) ნაზი ბენიძე – 30 წლის
22) ლამარა სვანი
23) გურამ ტუნაევი – 19 წლის
წყარო: შსს არქივი
